Канспект занятка па развіцці маўлення І культуры маўленчых зносін



Дата канвертавання27.07.2016
Памер43.3 Kb.
КАНСПЕКТ ЗАНЯТКА

ПА РАЗВІЦЦІ МАЎЛЕННЯ І КУЛЬТУРЫ МАЎЛЕНЧЫХ ЗНОСІН

(з выкарыстаннем метада праектаў)




ТЭМА: “Падарожжа ў краіну электрычнасці”

Выхавальнік

1 кв.катэгорыі

Гурэцкая С.М.



Задачы: удакладніць слоўнік дзяцей па тэме “электрычнасць”; замацаваць уменне ўтвараць назоўнікі множнага ліку ў назоўным і родным склонах; замацаваць правільнае выкарыстанне дзеясловаў, а таксама прыназоўніка У.

Абагульніць веды дзяцей па тэме. Развіваць увагу і мысленне. Ствараць умовы для выхавання дружалюбных адносінаў да акружаючых.


Ход занятка:

Дзеці з выхавальнікам заходзяць, вітаюцца.



Вых. Дзеці, скажыце, калі ласка, пра што мы з вамі так многа гаварылі, у што мы з вамі так доўга гулялі?
Дзеці: У праекце мы гулялі,

І сябрам дапамагалі,

Многае цяпер мы можам,

Каму хочаш, дапаможам!



(раздаецца стук у дзверы, гучыць музыка)

Заходзіць Папялушка, плача.

Вых.: Папялушка, чаго ты плачаш?
Папял.: Злая мачыха дала мне вельмі многа работы, я не паспею яе зрабіць. А мне так хочацца з вамі пагуляцца.
Вых.: Дзеці , а давайце падкажам Папялушцы, якія ёсць хатнія памочнікі. Якія прыборы дапамагаюць выконваць хатнюю работу?
Дзеці:Электрычныя прыборы!
Вых. Злая мачыха схавала ўсе электрычныя прыборы ў розных казках. Пагэтаму давайце адправімся ў падарожжа, каб дапамагчы Папялушцы. А падарожнічаць будзем вось у гэтай карэце. Зробім для Папялушкі вось такі кубік, які будзе напамінаць ёй усё пра электрычныя прыборы.

( дзеці сядаюць, едуць)

Папялушцы дапаможам, выратаваць яе можам.

Загудзіць у нас пыласос – джы, джы,джы.

Запрацуе халадзільнік – жы,жы,жы.

Мікрахвалевая печка – дзы,дзы,дзы.

Пральная машына – вжы,вжы,вжы.



Вых.: Вось мы і прыехалі ў першую казку. Як яна называецца? Тут неабходна адгадаць загадку.

Хто нам лямпачку ўключае?

У разетцы ён сядзіць.

Дома нам дапамагае,

Ён па правадах бяжыць.

Дзеці: Электрычны ток!

Вых.: А адкуль парыходзіць да нас электрычны ток?

Па чым ён трапляе ў нашы дамы?



(дзеці адказваюць)

Вых.: Дзеці, Папялушцы ва ўсім дапамагалі зайчыкі і мышкі, пагэтаму давайце і мы будзем зайчыкамі і мышкамі.Давайце выйдзем з карэты і паглядзім, што прыдумала злая мачыха.

(дзеці выконваюць заданні па падгрупах.)

Вых.: Малайцы, а вось і наступная казка. Як яна называецца?

(гульня “Чароўны куфэрак”)

Гучыць музыка, заходзіць прынц, вітаецца з дзецьмі.


Прынц: Дзеці, мяне за руку ўкусіў злы ток, а пасля электрычнасць зусім прапала. Дапамажыце мне.

(дзеці расказваюць прынцу аб правілах бяспекі карыстання электрапрыборамі, а затым аб энергазберажэнні)

Прынц дзякуе , і затым просіць, каб дзеці пазагадвалі яму загадкі .Дзеці загадваюць.


Ёсць у нас у кватэры робат,

У яго вялізны хобат.

Наганяе страх кату,

Бо гудзіць як лайнер “Ту”.

Ён з ахвотай пыл глытае, не хварэе, не чыхае. (Пыласос)

……

Праз палі і праз лясок падаецца галасок.



Ён бяжыць па правадах, па раўнінах і гарах.

Гэта што за тарарам, скажаш тут, а чуваць там. (Тэлефон)

……

Вельмі многа сонейкаў высока так павесіла.



Мы яе ўключылі, адразу стала весела. (Люстра)

……

Вось так дом, адно акно, кожны дзень у акне кіно.



І канцэрт , і пастаноўка, вось прыдумана як лоўка.

(Тэлевізар)

Вых.: Дзеці, а што гэта злая мачыха схавала вось тут?

(гульня з мікрафонам)

Вых.: Ну што ж, дзеці, а цяпер давайце зробім падарункі нашым гасцям. Папялушцы-кубік, а прынцу-кнігу.
Дзеці робяць падарункі, расказваюць пра іх. Зайчыкі і мышкі дораць падарункі гасцям. Прынц забірае падарункі і разам з мышкамі ідзе з занятка.
Вых.: Ну вось, дзеткі, і закончылась наша падарожжа.

Каму было весела і цікава на занятку, станьце каля добрага зайчыка, каму не вельмі, станьце каля злога ваўка.


(дзеці стаюць, выхавацель задае пытанні)

-- Што спадабалася на занятку?

-- У якое падарожжа хацелі бы адправіцца яшчэ?
Вых.: Вельмі добра. А цяпер давайце мы адправімся з вамі на прагулку. Бярыце з сабою Папялушку, яна цяпер мае многа часу, і можаце ісці рыхтавацца да прагулкі.

АДДЗЕЛ АДУКАЦЫІ ВОРАНАЎСКАГА РАЙВЫКАНКАМА



НПК “БАСТУНСКІЯ ЯСЛІ-САД-АГУЛЬНААДУКАЦЫЙНАЯ

СЯРЭДНЯЯ ШКОЛА”
КАНСПЕКТ ЗАНЯТКА ПА РАЗВІЦЦЮ ЗНОСІН І МАЎЛЕННЯ .
ТЭМА: “Падарожжа ў краіну электрычнасці”


Выхавацель

1кв. катэгорыі

Гурэцкая С.М.

2013 год

Праграмны змест:

Удакладніць слоўнік дзяцей па тэме “электрычнасць”, замацаваць уменне ўтвараць назоўнікі множнага ліку ў назоўным і родным склонах, замацаваць правільнае выкарыстанне дзеясловаў, а таксама прыназоўніка У. Абагульніць веды дзяцей па тэме. Развіваць увагу і мысленне. Ствараць умовы для выхавання дружалюбных адносінаў да акружаючых.




База данных защищена авторским правом ©vuchoba.org 2019
звярнуцца да адміністрацыі

    Галоўная старонка