Кроніка грамадскага жыцця Гарадзеншчыны ад грамадскага аб’яднання



Дата канвертавання15.05.2016
Памер188.19 Kb.
ТыпКонкурс




Кроніка грамадскага жыцця Гарадзеншчыны

ад грамадскага аб’яднання

Цэнтр “Трэці сектар”

а/с 54, Гародня, 230009,

тэл./факс (0-152) 75-71-72,

e-mail: trecisektar@yahoo.com

сайт http://3sektar.by/


Выпуск 22 (490)

(16 чэрвеня 2011 г.)

Рэдактар выпуску: Кася Крот

Пры выкарыстанні матэрыялаў “Кронікі” спасылка на крыніцу абавязковая






Сёньня ў выпуску:



У Гродне судзяць журналіста Пачобута 2

У Гродне створаць два беларускія класы 2

Зборнік, прысвечаны Кастусю Каліноўскаму 3

Ва Ўкраіне з'явіўся сайт, прысвечаны Беларусі 4

4

Польска-беларуска-ўкраінскі летнік па новых медыях 4



уверх 5

Школа адукатараў-2011 6

уверх 6

Нефармальная адукацыя для пачаткоўцаў 6

уверх 7

Летнік для перакладчыкаў багаслоўскіх тэкстаў 7

уверх 8

Трэнінг па асвятленні праблем меншасцяў 8

Фотаконкурс “Чалавек – Божае стварэнне” 8

Канферэнцыя па сацыяльнай памяці 9

Запрашаюцца валанцёры на летнік у Крэве 10

Назіранне за выбарамі: тэорыя і практыка 10

Конкурс на экалагічную тэматыку 10

Конкурс навуковых прац ад Пасольства Польшчы 11

Інтэграцыйны намётавы летнік-семінар “Круглае возера” 11

Моладзевы абмен для маладых бацькоў 11





Падзеі:

 уверх


У Гродне судзяць журналіста Пачобута


Суд пачаўся 14 чэрвеня ў судзе Ленінскага раёна. У будынак не пусцілі нават жонку журналіста Аксану.

Выказаць сваю салідарнасць з карэспандэнтам "Газеты Выборчай" прыйшлі больш за 100 чалавек: журналісты з Гродна і Мінска, актывісты польскага руху і грамадскіх арганізацый краіны і горада.

 Людзі каля прыступак суда гучна маліліся, спявалі рэлігійныя песні, скандавалі "Свабода!" і "Дэмакратыя!".

Гэта ўжо другі судовы працэс у Гродне супраць журналістаў, якіх вінавацяць у знявазе прэзідэнта.

 У 2002 г. у гэтым жа судзе да пазбаўлення волі былі асуджаныя журналісты Павал Мажэйка і Мікола Маркевіч.

Судовае паседжанне доўжылася да 16.30.

 Суддзя задаволіў хадайніцва пракурора зрабіць перапынак ў сувязі з неабходнасцю перакваліфікавання абвінавачвання.

 Суд працягнецца 17 чэрвеня а 10-й раніцы.

 Андрэя Пачобута абвінавачваюць у абразе Аляксандра Лукашэнкі і паклёпе на яго.

 За гэта журналісту пагражае ад 2 да 4 гадоў турмы.

 З 6 красавіка ён знаходзіцца за кратамі следчага ізалятару ў Гродне.

 Справу журналіста разглядае суддзя Віталь Ляцко.



Паводле http://t-styl.info
 уверх

У Гродне створаць два беларускія класы


Сёлета ўпраўленне адукацыі плануе стварыць беларускія класы на базе гродзенскай СШ №32 у горадзе першы і другі класы з беларускай мовай навучання.

Старшыня гродзенскай абласной арганізацыі ТБМ Алесь Крой:

- У кожнай гарадской школе можа быць некалькі заяў на беларускамоўнае навучанне, але, каб утварыць клас, неабходна хаця б 10 дзяцей.

Ва ўпраўленні адукацыі нам кажуць, што адкрыць беларускі клас магчыма ў любой школе, былі б жадаючыя.

Каб не распыляцца, мы пакуль абралі базавай 32-ую школу (на Дзевятоўцы), дзе скончыла першы іпойдзе ў другі клас адзіная ў Гродне вучаніца, якой шэраг прадметаў выкладаецца на беларускай мове.

Адміністрацыя школы да адкрыцця беларускіх класаў ставіцца прыязна, сама запрашае.

 Падчас анкетавання на бацькоўскім сходзе, бацькі шасці будучых вучняў СШ №32 выказалі жаданне аддаць сваіх дзяцей у класы з беларускай мовай навучання, аднак гэтай колькасці недастаткова.

 Алесь Крой:

- Калі будзе неабходнасць, будзем спрабаваць дамовіцца з упраўленнем адукацыі, каб першакласнікаў беларускага класа з іншых раёнаў горада падвозілі на Дзевятоўку на аўтобусе, што будзе працаваць на "Бацькоўскім маршруце".

Каб адрадзіць беларускамоўную адукацыю ў Гродне патрэбна ініцыятыва знізу, ад бацькоў, а мы падтрымаем, дапаможам.

Кожны год ёсць некалькі заяў у беларускія класы, але яны раскіданыя па школах, і класы не ствараюцца.

Таму паспрабуем пакуль спыніца на трыццаць другой школе.

 Гродзенцы, якія хочуць аддаць сваіх дзяцей у першы ці другі класы з беларускай мовай навучання, могуць звяртацца непасрэдна да спадара Алеся Кроя па тэлефоне 943 58 09.

 Паводле http://t-styl.info

уверх

Зборнік, прысвечаны Кастусю Каліноўскаму


Выйшаў зборнік матэрыялаў міжнароднай навуковай канферэнцыі, прысвечаны асобе Кастуся Каліноўскага і яго эпосе.

Матэрыялы надрукаваныя Беларускім гістарычным таварыстам і Польскім інстытутам у Мінску. Як узнікла ідэя правядзення канферэнцыі і выдання навуковага зборніка, распавёў адзін з ягоных аўтараў, гродзенскі гісторык Андрэй Вашкевіч:

 - Ідэя і ўзнікненне гэтага зборніка, як і правядзенне канферэнцыі, стала вынікам своеасаблівай рэакцыі на тыя памкненні афіцыйных ідэолагаў, якія сёння прысутнічаюць у беларускай інтэлектуальнай прасторы і якія накіраваны на спробу вывесці Кастуся Каліноўскага з ліку нацыянальных герояў.

 У 2008 годзе ў “Беларускай думцы” з’явіўся артыкул Аляксандра Гронскага, прысвечаны “міфалагізацыі вобраза Кастуся Каліноўскага”, дзе аўтар даказвае, што Каліноўскі быў ідэйным палякам і таму не можа займаць месца ў беларускай нацыянальнай ідэі. Праз нейкі час доктар гістарычных навук Алесь Смалянчук падаў ідэю правесці навуковую канферэнцыю, прысвечаную асобе Кастуся Каліноўскага, якая і адбылася ў Мінску 25 верасня 2009 году.

Галоўнай задачай, па словах Андрэя Вашкевіча, было акрэсліць новыя падыходы да вывучэння біяграфіі Каліноўскага і паўстання 1863 года і, што самае важнае, – паказаць, наколькі важную ролю адыграла асоба Кастуся Каліноўскага ў фармаванні беларускай нацыянальнай ідэі ўжо ў ХХ стагоддзі.

- Думаю, што матэрыялы, змешчаныя ў зборніку, пераканаўча даказваюць, што асоба Кастуся Каліноўскага ўжо даўно займае першае месца ў “нашым нацыянальным эпасе” (С. Дубавец), і ніхто не ў стане Каліноўскага з нашай нацыянальнай ідэі выкрасліць - лічыць Андрэй Вашкевіч.

 Зборнік змяшчае шэраг матэрыялаў, прысвечаных як паўстанню, так і адлюстраванню асобы Каліноўскага ў беларускай літаратуры, мастацтве, нават назвах вуліц беларускіх гарадоў.

 У зборніку таксама надрукаваныя шэраг цікавых здымкаў, у тым ліку невядомы раней здымак Кастуся Каліноўскага.

 Паводле http://t-styl.info

уверх

Ва Ўкраіне з'явіўся сайт, прысвечаны Беларусі


Ва ўкраінскай інтэрнэт-прасторы з’явіўся новы інфармацыйны сайт, які спецыялізуецца на падзеях з Беларусі. Гэта сайт грамадскай арганізацыі Цэнтр рэгіянальнага развіцця “Супрацоўніцтва без межаў”: www.collaboration.org.ua .

Акрамя арганізацыйных навінаў на старонцы з’яўляюцца апошнія беларускія навіны пра Украіну і ўкраінскія пра Беларусь, навіны беларускіх партнёраў арганізацыі і запісы ў блогах, галоўным чынам, пра беларуска-украінскае супрацоўніцтва ў розных сферах.

Цэнтр рэгіянальнага развіцця “Супрацоўніцтва без межаў” быў створаны для аб’яднання як мага большай колькасці украінцаў, якія хацелі б паспрыяць дэмакратычным зменам у Беларусі.

Акрамя таго, Цэнтр займаецца наладжваннем стасункаў з моладзевымі арганізацыямі іншых краінаў, супрацоўніцтвам з арганізацыямі ўкраінскай дыяспары, ўпарадкаваннем месцаў пахаванняў украінцаў у замежжы.

Партнёрамі Цэнтра ўжо з’яўляюцца такія беларускія арганізацыі як рух “За Свабоду” Аляксандра Мілінкевіча, “Малады Фронт”, Моладзь “Беларускага Народнага Фронту”, “Маладая Беларусь”, “Правы Альянс” і шэраг іншых.

Прэс-служба Цэнтра рэгіянальнага развіцця “Супрацоўніцтва без межаў”

уверх


А
бвесткі
:

уверх

Польска-беларуска-ўкраінскі летнік па новых медыях


Для маладых людзей ва ўзросце 18-25 гадоў з Беларусі і Украіны, якія актыўна спрыяюць стварэнню моладзевай прэсы, з’яўляюцца актыўнымі сябрамі альбо валанцёрамі грамадскіх арганізацый, удзельнічаюць у сацыяльных і моладзевых грамадскіх рухах.

Фонд Новыя Мэдыі ў рамках праграмы «Моладзь у дзеяньні»  распачынае прыём заявак на ўдзел у польска-беларуска-украінскім летніку «Мультыма – актыўнасць моладзі ў новых медыях».

Летнік адбудзецца ў Польшчы (Сероцк) з 1 па 12 кастрычніка 2011 г.

Мэты мерапрыемства:

-          наладжванне  супрацоўніцтва і абмен досведам для моладзі з Беларусі, Украіны і Польшчы;

-          знаёмства з ініцыятывамі і новымі магчымасцямі аб’яднанай Эўропы;

-          абмен досведам па арганізацыі супрацы з эўрапейскімі інстытутамі і лакальнымі арганізацыямі;

-          пашырэнне праз новыя мэдыі ідэі нефармальнай адукацыі;

-          наладжванне камунікацыі паміж моладдзю, зацікаўленай у развіцці мэдыя-праектаў праз стварэнне мультымедыйнай інтэрнэт-газеты.

Галоўныя тэмы летніку: “Моладзевыя СМІ і інфармацыя» і «Еўрапейская свядомасць».

Фармат заняткаў: навучанне праз інтэрактыўныя трэнінгі, сустрэчы з польскімі журналістамі, ролевыя гульні, выкарыстанне адкрытых тэхналогій і ліцэнзій, мультыкультурныя заняткі – узмацненне пазітыўнай ідэнтыфікацыі з уласнай этнічнай групай/нацыянальнасцю; узмацненне навыкаў працы ў мультыкультурным асяроддзі, практыкі Эўразвязу ў гэтым абшары.

Рабочыя мовы летніку – польская, беларуская, украінская.

Міжнародны летнік фінансуецца FRSE (Фонд Развіцця Сістэмы Адукацыі) і ладзіцца супольна Фондам Новыя Медыі (Польшча), Цэнтрам творчасці дзяцей і моладзі Галіччыны (Украіна) і ГА “Цэнтр “Трэці сектар» (Беларусь).

Удзел бясплатны. Арганізатары кампенсуюць усе выдаткі па праграме, візу, праезд, харчаванне і пражыванне.

Каб падаць заяўку, калі ласка, дашліце рэзюмэ (максімум 2 старонкі) на электронны адрас kontakt@nowemedia.info

Апошні тэрмін падачы заявак - 31 жніўня.



Паводле http://t-styl.info

уверх




Школа адукатараў-2011


Школа адукатараў запрашае ўсіх, хто хоча павысіць свой узровень кампетэнтнасці ў галіне распрацоўкі адукацыйных мерапрыемстваў і падрыхтаваць пісьмовыя заяўкі для ўдзелу ў конкурсе правядзення адукацыйных мерапрыемстваў у рамках Тыдня нефармальнай адукацыі 2011.

Школа адукатара пройдзе ў фармаце чатырохдзённай школы-семінара 15-17 ліпеня.

Тэма – Распрацоўка канцэпцый адукацыйных мерапрыемстваў.

Мэтавая група: адукатары, якія маюць першасны вопыт адукацыйнай дзейнасці.

У час працы Школы яе ўдзельнікі змогуць абмеркаваць і распрацаваць канцэпцыі адукацыйных мерапрыемстваў, якія можна будзе заявіць пазней да ўдзелу ў межах агульнабеларускага Тыдня нефармальнай адукацыі ( 24 верасня-4 кастрычніка).

Адбор удзельнікаў Школы адукатараў будзе адбывацца на конкурснай аснове.

Для ўдзелу ў конкурсе неабходна запоўніць электронную анкету-заяўку.

Апошні тэрмін - да 1 ліпеня.

Дадатковую інфармацыю можна атрымаць у каардынатара Школы адукатараў Святланы Анташкевіч, даслаўшы ёй пытанні на адрас shkola.adukatara@gmail.com

Апісанне канцэпцыі і папярэдняй праграмы Школы глядзіце ў дадатку.


уверх

Нефармальная адукацыя для пачаткоўцаў


Міжнароднае грамадскае аб’яднанне «Адукацыя без межаў», Беларусь, Фундацыя еўрапейскіх даследванняў, Польшча, Цэнтар інцыятываў ЮНЕСКА, Польшча ЗАПРАШАЮЦЬ да ўдзелу ў доўгатэрміновай моладзевай праграме “Нефармальная адукацыя для пачаткоўцаў”.

Даслаць заяўку патрэбна не пазней за 30 чэрвеня 2011 г.



Галоўная мэта праграмы – знаёмства з найбольш папулярнымі накірункамі нефармальнай адукацыі (міжкультурная адукацыя, грамадзянская адукацыя, адукацыя на прыродзе і інш.)

-з прынцыпамі распрацоўкі адукацыйных праграм

-з шэрагам інтэрактыўных метадаў навучання

-з асновамі праектнага менеджменту.

У межах праграмы запланавана тры сустрэчы

1-я -  адукацыйны летнік ў наметах у в. Дунаева, Мінскай вобласці (13-17.07.2011),

2-я – практычны семінар у Вроцлаве, Польшча (14-18.09.2011)

3-я -  круглы стол у Мінску (10-11.12.2011).

Мы зацікаўлены ў юнаках і дзяўчатах, якія

-Хацелі б звязаць сваю будучыню з нефармальнай адукацыяй



-Мараць паспрабаваць сябе ў якасці трэнераў

-Вераць ў тое, што яны могуць «змяніць свет»!

 -Маюць ідэі для варштатаў, прэзентацый, гурткоў і г.д., якія яны хацелі б удакладніць і пачаць рэалізоўваць ўжо ў гэтым годзе.

Стаць ўдзельнікам вельмі проста! Патрэбна запоўніць заяўку і даслаць яе на электронную пошту edwb@tut.by .

Апошні тэрмін – 30 чэрвеня.

Умовы ўдзелу:

Удзел ва ўсіх запланаваных мерыпрыемствах (Дунаева, Вроцлаў, Мінск).

Арганізатары забяспечваюць пражыванне і харчаванне ўдзельнікаў, а таксама траспартныя выдаткі, звязаныя з удзелам ў семінары ў Польшы.

Для арганізацыі мерапрыемстваў на тэрыторыі Беларусі неабходна ўнесці складку ў памеры 25 000 бел. рублеў. 


АНКЕТА – ЗАЯЎКА

Паводле kariera.by

уверх




Летнік для перакладчыкаў багаслоўскіх тэкстаў


Летнік перакладчыкаў багаслоўскіх і літургічных тэкстаў на беларускую мову пройдзе для прадстаўнікоў розных канфесій з 9 да 17 ліпеня ў парафіі Божага провіду ў Слабодцы (Віцебская вобл., Браслаўскі р-н).

У Беларусі ўжо адбылося некалькі кансультацый для людзей, прыналежных да розных канфесій, якія бачаць важнасць у пашырэнні ўжывання беларускай мовы ў царкоўных асяродках, а таксама непасрэдна займаюцца перакладамі на беларускую са старажытных і сучасных моваў.

Праблема стварэння сучаснай беларускай Бібліі – вельмі актуальная, і часта спараджае імкненне асобных аўтараў узяцца за гэтыю грандыёзную працу ў адзіночку, але ўрэшце, такая праца, хоць і мае быць ацэненая як годная, усё ж не набліжае нас да стварэння такога тэксту, які б быў прыдатным не толькі для асабістага ўжывання вернікаў, але і для навуковага і літаратурнага вывучэння.

Цэнтр “Экумена” на ласкавае запрашэнне настаяцеля парафіі Божага провіду ў Слабодцы кс. Сяргея Сурыновіча, праводзіць працоўна-духоўны летнік .

Праграма ў летніку будзе падзеленая на некалькі аспектаў:

-навучальныя сесіі – развіццё тых ці іншых здольнасцей і навыкаў, патрэбных для ажыццяўлення перакладніцкай дзейнасці (у т.л. семінары па бібліістыцы, старажытна-грэцкай мове, асобных багаслоўскіх праблемах),

-працоўныя сесіі - выкананне той ці іншай працы ўдзельнікам семінара ў вызначаных вышэй кірунках (адлічбоўка тэкстаў, вычытка, праца над слоўнікам, аналітычная праца з тэкстамі і г.д., у залежнасці ад надзённай патрэбы і падрыхтоўкі ўдзельніка),

-духоўныя сесіі – безумоўна, духоўнае жыццё пастаяннае і ні на якія сесіі не дзеліцца, але ў летніку будзе прысвячацца асаблівы час для супольнага і індывідуальнага духоўнага жыцця: малітвы, разборы Святога Пісання, удзел у Еўхарыстыі (для ўдзельнікаў-каталікоў), знаёмства з духоўнымі скарбамі розных канфесій. Мяркуецца, што летнік будзе насіць не проста міжканфесійны, але і экуменічны характар, каб прадстаўнікі розных хрысціянскіх супольнасцей вучыліся жыць і разумець адзін аднога.

-рэкрэацыйныя сесіі – адпачынак, культурная праграма, размовы. Парафія Божага провіду знаходзіцца ў, як цяпер кажуць, экалагічна чыстай зоне, на землях беларускага Паазер’я, на беразе цудоўнага возера, у зацішным куточку Браслаўшчыны.

Умовы побыту:

Удзельнікі размесцяцца ў парафіяльным доме, дзе ёсць прыбіральня і душ з гарачай вадой. Пакоі – рознага ўзроўню камфорту, пераважна спаць давядзецца на карыматах або цюфяках у спальных мяшках.

Харчаванне арганізуецца намаганнямі парафіі, аднак заўжды будзе вітацца дапамога ўдзельнікаў па прыгатаванні страваў, прыбіранні і мыцці посуду. Ёсць бесправадны інтэрнэт, просьба прыязджаць з ноўтбукамі.

У якасці аплаты будуць прымацца дабраахвотныя ахвяравання ўдзельнікаў у межах, якія ім можа дазволіць іх асабісты бюджэт.

Вялікую частку расходаў прымае на сябе парафія Божага провіду, а таксама арганізатары летніка.

Удзельнікі самастойна аплочваюць свой праезд да Слабодкі. Калі нехта з удзельнікаў будзе дабірацца аўтамабілем, то можна будзе скаардынавацца, каб ехаць разам.

Удзельнікі: 15-20 чалавек, да ўдзелу запрашаюцца асобы незалежна ад веравызнання.

Да ўдзелу ў Летніку запрашаюцца таксама асобы з абмежаванымі магчымасцямі. Пытанні транспартавання і побыту такіх асобаў у Летніку ўзгадняюцца з арганізатарымі асабіста.

Працоўная мова: беларуская.

Каардынатары:
-пытанні датычна праграмы летніка: Наталля Васілевіч (тэл.: +375293461493)
-пытанні датычна побыту ў летніку: кс. Сяргей Сурыновіч (тэл. ++375297153668)

Апошні тэрмін падачы заяўкі на ўдзел – да 20 чэрвеня.

Заяўкі прымаюцца на эл. адрас: ecumena@ecumena.by (Наталля Васілевіч).

Колькасць месцаў абмежаваная.

Пры немагчымасці ўдзелу ва ўсёй працягласці Летніка па дамоўленасці з арганізатарамі дапушчальна ўзяць удзел у адным ці некалькіх працоўных днях праграмы. Пры запаўненні заяўкі, калі ласка пазначце, цягам якога часу Вы зможаце браць удзел у праграме.

Заяўка на ўдзел – па спасылцы http://ecumena.by/?p=88



Паводле http://ecumena.by

уверх

Трэнінг па асвятленні праблем меншасцяў


Беларуская асацыяцыя журналістаў запрашае вас да ўдзелу ў майстар-класе “Асвятленне праблем меншасцяў”.

Майстар-клас адбудзецца ў межах кампаніі БАЖ “За якасную журналістыку”.

У працы майстар-класу возьмуць удзел: Алег Гулак, старшыня Беларускага Хельсінкскага камітэту, Аляксандр Корык, прадстаўнік GayBelarus.

Майстар-клас адбудзецца 24 чэрвеня ў Мінску па адрасе: вул. Камсамольская, 7-32, офіс БАЖ (уваход праз салон прыгажосці Body Jazz)

Пачатак ў 10.00. Заканчэнне сустрэчы ў 14.00.

Пасля сустрэчы будзе супольны абед.

Для удзелу ў майстар-класе запрашаюць рэпарцёраў, журналістаў, якія пішуць на сацыяльную тэматыку, фотажурналістаў.

Заяўкі на ўдзел у майстар-класе прымаюцца на адрас aliaksandrau@gmail.com.

Іншагароднім кампенсуецца праезд (абавязкова захоўвайце квіткі!)

Кантактная асоба – Андрэй Аляксандраў +375 29 712 07 57



уверх

Фотаконкурс “Чалавек – Божае стварэнне”


Партал Catholic.by і газета Віцебскай дыяцэзіі «Каталіцкі веснік» (падпісны індэкс 63783) арганізоўваюць фотаконкурс «Чалавек — Божае стварэнне».

Мэта конкурсу — нагадаць аб каштоўнасці, прыгажосці і годнасці кожнага чалавечага жыцця, незалежна ад узросту і сацыяльнага палажэння. Вашы фотаздымкі могуць стаць адлюстраваннем розных лёсаў, якія з’яўляюцца каштоўнымі ў вачах Стварыцеля, і напамінам пра тое, што ў кожным чалавечым жыцці ёсць Бог.

Конкурс будзе праводзіцца на партале Catholic.by.

Фармат файлаў — JPG альбо PNG.

Памеры — любыя.

Апрацоўка — мінімальная (без мантажу, мастацкай апрацоўкі і штучных эфектаў).

Колькасць фотаздымкаў ад аднаго ўдзельніка — неабмежаваная (можна запоўніць форму некалькі разоў).

Арганізатары пакідаюць за сабой права папярэдняга адбору прац без тлумачэння рашэнняў.

Працы, якія прайшлі мадэрацыю, адразу публікуюцца на сайте Catholic.by у адпаведным радзеле і становяцца даступнымі для прагляду, аднак галасаванне распачнецца ў адпаведнасці з вызначаным тэрмінам.

Галасаваць можа любы карыстальнік парталу, кожная праца можа быць ацэнена пэўнай колькасцю балаў (па змоўчанні — 0); перамагаюць працы, якія набралі найбольшую суму балаў.

Апошні тэрмін падачы фотаздымкаў - да 10 ліпеня.

Пераможцаў вызначаць самі наведвальнікі сайта. Галасаванне будзе праходзіць з 10 па 30 ліпеня.

Газета «Каталіцкі веснік» узнагародзіць каштоўнымі прызамі аўтараў лепшых прац.

Больш падрабязна чытай па спасылцы http://www.catholic.by/2/home/news/belarus/61-other/109099-fotokonkurs.html



уверх

Канферэнцыя па сацыяльнай памяці


Канферэнцыя “Сацыяльная памяць у краінах Усходняй і Цэнтральнай Еўропы” адбудзецца з 23 да 25 лістапада ў Варшаве.

Арганізатары: Варшаўскі ўніверсітэт і шэраг навуковых цэнтраў краін Цэнтральнай Еўропы.

Мэта мерапрыемства – ацэнка стану даследванняў сацыяльнай памяці ў Цэнтральнай і Ўсходняй Еўропе.

Гэты рэгіён увайшоў у 21 стагоддзе з шэрагам незавершаных сацыяльных праблем, выкліканых запозненай мадэрнізацыяй і глыбокімі этнічнымі і рэлігійнымі супярэчнасцямі. Ён перажыў не толькі дзьве сусветныя вайны, але і досвед генацыду, змены межаў, перамяшчэння насельніцтва, палітычныя і эканамічныя эксперыменты.

На канферэнцыі будуць разгледжаны наступныя пытанні:

-Спецыфіка гістарычнага вопыту краін Цэнтральнай і Ўсходняй Еўропы.

Тут будзе разглядацца супольны вопыт краін рэгіёна. Якія гістарычныя падзеі і традыцыі

могуць звязваць грамадства Цэнтральнай і Ўсходняй Еўропы? Уплыў розных этнічных груп на фармаванне ўспамінаў і стэрэатыпаў у рэгіёне.

-Метадалогія даследвання сацыяльнай памяці супольнасцяў.

Мовы канферэнцыі: ангельская, польская альбо нямецкая.

Удзел у канферэнцыі – бясплатны.

Маладым навукоўцам і студэнтам прадстаўляюцца гранты на пакрыццё дарожных выдаткаў і пражывання.

Для ўдзелу неабходна прадставіць тэзісы (300 словаў) і кароткае рэзюмэ на эл. адрас genealogies@enrs.eu .

Апошні тэрмін падачы – да 1 ліпеня.

Кантакты: Monika Żychlińska, Agnieszka Nosowska, Europejska Sieć Pamięć i Solidarność, ul. Wierzbowa 9/11, PL-00-094 Warszawa, эл.пошта monika.zychlinska@enrs.eu, agnieszka.nosowska@enrs.eu

уверх







Не спазьніся!


уверх

Запрашаюцца валанцёры на летнік у Крэве


Чарговы валанцёрскі летнік у Крэве (Смаргонскі раён Гродзенскай вобласці) пройдзе сёлета з 1 ліпеня да 15 жніўня пад назвай “Крэўская Вунія -2011”.

Арганізатар – Дабрачынны фонд “Крэўскі замак”.

Да ўдзелу запрашаюцца ўсе ахвотныя. Далучыцца да працы летніка можна на любы зручны для вас час.

Зацікаўленым ва ўдзеле неабходна ў любы час звярнуцца да арганізатараў праз сайт http://kreuskizamak.by

Больш падрабязна – на сайце http://kreuskizamak.by.
уверх

Назіранне за выбарамі: тэорыя і практыка


Belarus Watch, Еўрапейскі гуманітарны універсітэт (ЕГУ) і Беларускі Дом правоў чалавека ў выгнанні ў Вільні (ДПЧ) абвяшчаюць прыём заявак на ўдзел у праекце “Назіранне за выбарамі: тэорыя і практыка” (“Election Observation: Theory and Practice”, EOTP) ў 2011 годзе.

Апошні тэрмін падачы заяўкі на ўдзел - да 26 чэрвеня.

Заявы дасланыя пасля 23:59, 26 чэрвеня разглядацца не будуць.

Он-лайн заяву можна запоўніць на http://eotp.info/application.



Каманда праекта “Назіранне за выбарамі: тэорыя і практыка”
уверх

Конкурс на экалагічную тэматыку


Орхускі цэнтр Рэспублікі Беларусь у межах рэалізацыі праекта “Адукацыя для ўстойлівай энергетыкі ў Беларусі: Рэалізацыя праграмы ШПВРІЭ – Школьнай праграмы выкарыстання рэсурсаў і энергіі ва ўстановах школьнай і пазашкольнай адукацыі” (далей праект ШПВРІЭ) абвяшчае конкурс на лепшую працу экалагічнай тэматыкі.

Тэма конкурса: “Звычка быць беражлівым – дапамога прыродзе, сваім дзецям, сабе”.

За больш падрабязнай інфармацыяй звяртайцеся да Вольгі Захаравай па тэл. 8(029)6630118.
уверх

Конкурс навуковых прац ад Пасольства Польшчы


Пасольства Рэспублікі Польшча ў Беларусі пад патранатам пасла РП у Беларусі абвяшчае ІV конкурс дыпломных і навуковых прац, прысвечаных польскай праблематыцы.

Апошні тэрмін – да 31 жніўня.

Адрас: Пасольства Рэспублікі Польшча, вул. П. Румянцава, 6 220034, г. Мінск.

Тэлефоны для даведак: 288 21 14, 288 23 13.



Паводле http://www.minsk.polemb.net

уверх

Інтэграцыйны намётавы летнік-семінар “Круглае возера”


Беларускае моладзевае грамадскае аб’яднанне “Розныя-Роўныя” запрашае моладзь ва ўзросце 18-31 год для ўдзелу ў інтэграцыйным намётавым летніку-семінары “Круглае возера-2011”.

Цягам 10 дзён моладзь з абмежаванымі фізічнымі магчымасцямі і іх здаровыя аднагодкі будуць удзельнічаць у адукацыйных мерапрыемствах, а таксама весела адпачываць.

Апошні тэрмін падачы заявак – да 30 чэрвеня.

Заяўкі дасылайце па эл.пошце different-equal@mail.ru альбо на факс 8017-209-61-98  і на паштовы адрас: 220104,  Мінск,  вул. М. Лынькова 8-4.

Тэлефон МТС 8029-555-68-38  (Званіце ў любы час).

Паводле рассылкі БАСР
уверх

Моладзевы абмен для маладых бацькоў


Моладзевы адукацыйны цэнтр “Фіяльта” шукае беларускіх удзельнікаў міжнароднага моладзевага абмену для маладых бацькоў “Super-Parents in Action: We can change the World”( "Супер-бацькі ў Дзеянні: Мы можам змяніць Свет" ).

Абмен адбудзецца ў Эстоніі з 1 да 7 жніўня.

Краіны-ўдзельніцы: Беларусь, Расія, Малдова, Латвія, Літва, Эстонія.

Зацікаўленыя ва ўдзеле мусяць даслаць сваю кантактную інфармацыю і некалькі радкоў пра тое, чаму вы хацелі б удзельнічаць у дадзеным абмене на email: petrovich.ivanova@gmail.com

Кантакты: Каардынатар абмену Ірына Іванова, тэлефон +375 25 983 29 59 life, +375 29 635 65 66 velcom, petrovich.ivanova@gmail.com

уверх

Конкурс для журналістаў ад ЕС

Прадстаўніцтва Еўрапейскага Саюза ў Беларусі абвяшчае конкурс для журналістаў, што асвятляюць пытанні адносінаў і супрацоўніцтва паміж ЕС і Беларуссю.

Апошні тэрмін падачы матэрыялаў - да 15 кастрычніка.



Тэкставыя матэрыялы можна дасылаць на электронны адрас Прадстаўніцтва: delegation-belarus-press@eeas.europa.eu з пазнакай "Journalism Contest".

Паводле http://eeas.europa.eu/

уверх


: wp-content -> uploads -> 2011
2011 -> Клуб Лакальных Лідэраў 6 Семінар у Вільні для журналістаў 7 конкурс адукацыйных матэрыялаў 8 конкурс
2011 -> Кроніка грамадскага жыцця Гарадзеншчыны ад грамадскага аб’яднання
2011 -> Агляд стаў больш суровым
2011 -> Кроніка грамадскага жыцця Гарадзеншчыны ад грамадскага аб’яднання
2011 -> Конкурс для журналістаў 6 Вулічныя мастакі збяруцца разам 7 Пачаўся прыём заявак на "Бардаўскую восень-2011" 7
2011 -> Конкурс для журналістаў з краін снд 11 Конкурс для студэнтаў да міжнароднага дня талерантнасці 11
2011 -> Кроніка грамадскага жыцця Гарадзеншчыны ад грамадскага аб’яднання
2011 -> Кроніка грамадскага жыцця Гарадзеншчыны ад грамадскага аб’яднання
2011 -> Кроніка грамадскага жыцця Гарадзеншчыны ад грамадскага аб’яднання
2011 -> Кроніка грамадскага жыцця Гарадзеншчыны ад грамадскага аб’яднання




База данных защищена авторским правом ©vuchoba.org 2019
звярнуцца да адміністрацыі

    Галоўная старонка