Конкурсу для вучняў 10 11-х класаў " знак таленту"



Дата канвертавання15.05.2016
Памер59.66 Kb.
ТыпКонкурс
ПАЛАЖЭННЕ

гарадскога літаратуразнаўчага конкурсу для вучняў 10 – 11-х класаў

ЗНАК ТАЛЕНТУ”,



прысвечанага 175-годдзю з дня нараджэння Францішка Багушэвіча
Мінскі дзяржаўны палац дзяцей і моладзі, аддзел інтэлектуальнай творчасці аб’яўляюць гарадскі конкурс для аматараў беларускай літаратуры, накіраваны на выяўленне здольных вучняў, якія цікавяцца беларускай літаратурай, на развіццё іх творчага патэнцыялу, грамадскай актыўнасці.

  1. Мэта: стварэнне умоў для развіцця інтэлектуальнага і творчага патэнцыялу навучэнцаў.

Задачы:

  • развіваць цікавасць да вывучэння беларускай літаратуры;

  • развіваць творчыя і даследчыцкія здольнасці вучняў;

  • фарміраваць пазнаваўчую актыўнасць;

  • выхоўваць нацыянальную самасвядомасць падлеткаў.

  1. Месца і час правядзення:

Мінскі дзяржаўны палац дзяцей і моладзі. Конкурс праводзіцца ў два туры:

І тур (завочны): 1 па 30 сакавіка 2015 г.;

ІІ тур (вочны): 28 красавіка 2015 г.

Прыбыццё ўдзельнікаў на вочны тур – за гадзіны да пачатку конкурсу. Праводзіцца рэгістрацыя. Пры сабе мець вучнёўскі білет або пашпарт.

Час пачатку конкурсу будзе ўказаны 23.04.2015 на сайце МДПДіМ www. mddm.org.


  1. Умовы правядзення:

3.1. У конкурсе ўдзельнічаюць вучні 10 – 11-х класаў школ, гімназій, ліцэяў, навучэнцы гурткоў, клубаў, устаноў пазашкольнай работы г. Мінска, сябры дзіцячых і маладзёжных грамадскіх арганізацый.

Конкурс прадугледжвае камандную працу навучэнцаў. Каманда фарміруецца з шасці чалавек. Пры сабе мець дзве ручкі сіняга колеру.



3.2. Удзельнікі суправаджаюцца настаўнікам.

    1. Пры падрыхтоўцы да конкурсу рэкамендуецца выкарыстоўваць наступную літаратуру:

  1. Гісторыя беларускай літаратуры XI – XIX стагоддзяў : у 2 т. / Нацыянальная акадэмія навук Беларусі, Інстытут мовы і літаратуры імя Я. Коласа і Я. Купалы ; [рэдкалегія: У. В. Гніламёдаў і інш.]. – Мінск : Беларус. навука, 2010.

  2. Содаль, У. І. Сцежкамі Мацея Бурачка : Пошукі, замалёўкі,нарысы / У.І.Содаль. – Минск: Мастац.літ., 1991. – 197 с.

  3. Кісялёў, Г.В. Пачынальнікі : З гiст.-лiт. матэрыялаў XIX ст. : Зборнiк / Нац. акад. навук Беларусі, Ін-т літ. імя Я.Купалы ; уклад.: Г.В.Кісялёў. – Мінск: Беларус. навука, 2003. – 548 с.

  4. Багушэвіч, Ф. Творы : для сярэд. і ст. шк. узросту / Ф. Багушэвіч. – Мінск : Маст. літ., 2001. – 206 с.


3.4. З 7 да 14 красавіка 2015 г. каманда падае арганізатарам конкурсу ў МДПДіМ (каб. 308):

-заяўку на ўдзел у конкурсе (з аплатай);

- мультымедыйную прэзентацыю па жыцці і творчасці Ф. Багушэвіча.

Зарэгістраваныя каманды (якія своечасова падалі заяўкі і прэзентацыі) прыходзяць на вочны тур конкурсу за палову гадзіны да яго пачатку і займаюць указанае месца ў зале.



4. Тэма конкурсу: “Значэнне Асобы Францішка Багушэвіча і яго творчасці для беларускай літаратуры і культуры”

4.1. Конкурс праводзіцца ў два туры:

І тур, завочны.

4.1.1. Школьнікі даследуюць жыццёвы і творчы шлях Ф. Багушэвіча ў кантэксце беларускай літаратуры ХІХ ст., рыхтуюць мультымедыйную прэзентацыю па тэме конкурсу (PowerPoint 2007 на СD-, флэш-носьбітах, аб’ём – не больш за 10 слайдаў). Усе прэзентацыі будуць ацэнены (max 20 балаў), і на фінале конкурсу, па магчымасці, будуць паказаны лепшыя з іх.

Пры ацэнцы будуць прымацца пад увагу:


  • факталагічная правільнасць і лагічнасць матэрыялу;

  • глыбіня валодання тэмай і змястоўнасць творчай працы;

  • уменне працаваць з крыніцамі;

  • афармленне тэксту згодна норм беларускай літаратурнай мовы;

  • арыгінальнасць і эстэтычнасць падачы матэрыялу;

  • высокая тэхнічная якасць работы (якасць фотаздымкаў, малюнкаў, схем і інш.).

ІІ тур, вочны.

Вучні адказваюць на пытанні па ідэях вершаў і сюжэтах пррзы Ф. Багушэвіча. У праграму пытанняў будуць уключаны зборнікі “Смык беларускі”, “Дудка беларуская”, паэма “Кепска будзе!”, апавяданні “Тралялёначка”, “Дзядзіна”, “Палясоўшчык”, “Сведка”. Таксама могуць быць ўключаны іншыя творы ў пытанні з выбарам варыянта і аглядава (назва, галоўная ідэя, год выдання).



Прыклады заданняў:

Героем якога твора з’яўляецца Аліндарка?

1. Палясоўшчык

2. Сведка

3. Кепска будзе

4. Тралялёначка

Напішыце назву верша, урывак з якога прыведзены:

Гэты хлеба і не знае,

Толькі мяса ды пірог,

І сабакам выкідае

Усё тое, што не змог.

Крытэрыі ацэнкі адказаў на пытанні вочнага тура:



  • факталагічная правільнасць, абгрунтаванасць і змястоўнасць адказу;

  • глыбіня валодання тэмай;

  • адсутнасць памылак пры афармленні адказаў.

5. Арганізацыя правядзення:

5.1. За ўдзел у конкурсе каманда здае арганізацыйны ўзнос 72 тысячы беларускіх рублёў

(з кожнага ўдзельніка конкурса (6 чалавек) – па 12 тысяч беларускіх рублёў) у касу МДПДіМ у дзень падачы заяўкі.

Заяўка на ўдзел у конкурсе, квіток з аплатай, мультымедыйная прэзентацыя падаецца з 7 па 14 красавіка 2015 г. па адрасе: Старавіленскі тракт, 41, каб. 308 (тэл. 233-80-90). Прыём заявак з 10.00 да 13.00, з 14.30 да 17.00, субота, нядзеля – выхадныя.

Куратар конкурсу—Шчасная Кацярына Дзмітрыеўна.
У заяўцы неабходна пазначыць:


  1. Склад каманды (імёны і прозвішчы навучэнцаў, клас);

  2. Кіраўніка каманды (імя, імя па бацьку, прозвішча, тэлефоны).

Заяўка завяраецца подпісам дырэктара школы і пячаткай.

УВАГА: Заяўка запаўняецца толькі НА БЕЛАРУСКАЙ МОВЕ. За недакладнасць пададзеных у заяўцы звестак аргкамітэт адказнасці не нясе.


Заяўка

на ўдзел у гарадскім конкурсе “Знак таленту: да 175-годдзя з дня нараджэння Ф. Багушэвіча”

вучняў 10 – 11-х класаў сярэдняй школы (гімназіі, ліцэя) № …. г. Мінска.

Склад каманды:


  1. Прозвішча, імя, клас, літара класа;

  2. ……………………

  3. ……………………

  4. ……………………

  5. ……………………

  6. ……………………

Кіраўнік каманды: прозвішча, імя, імя па бацьку настаўніка (поўнасцю), кантактны тэлефон (мабільны і працоўны).

Пячатка школы.

Подпіс дырэктара.
5.2.Аргкамітэт:


  • распрацоўвае палажэнне і неабходную дакументацыю;

  • зацвярджае склад журы;

  • распрацоўвае план-сцэнарый конкурсу;

  • вызначае дату і месца правядзення конкурсу;

  • узнагароджвае пераможцаў;

  • падводзіць вынікі конкурсу.

5.3. Падвядзенне вынікаў конкурсу і ўзнагароджванне пераможцаў

Журы і выніковая камісія падводзяць вынікі конкурсу. Каманды, якія набралі найбольшую колькасць балаў, становяцца пераможцамі конкурсу. Яны ўзнагароджваюцца дыпломамі і падзякамі.



5.4. Фінансаванне конкурсу

Для забеспячэння правядзення конкурсу каманда здае арганізацыйны ўзнос 72 тысячы рублёў, (кожны ўдзельнік конкурсу (6 чалавек) – па 12 тысяч рублёў) у касу МДПДіМ.

З арганізацыйнага ўзносу каманд фарміруецца накапляльны фонд конкурсу, які выкарыстоўваецца на наступныя патрэбы:


  • камунальныя паслугі і абавязковыя плацяжы;

  • дыпломы, граматы, падзякі;

  • аплата працы журы па ацэнцы адказаў удзельнікаў конкурсу;

  • заработная плата па дагаворах падраду, звязаная з арганізацыяй і правядзеннем конкурсу;

  • набыццё канцтавараў;

  • умацаванне матэрыяльна-тэхнічнай базы МДПДіМ, сектара развіцця пазнаваўчых ініцыятыў;

  • набыццё аргтэхнікі для патрэб сектара развіцця пазнаваўчых ініцыятыў.

Узгоднена:


Загадчык аддзела Юшчанка В.К.
Намеснік дырэктара Вафіна С.М.



Каталог: intel -> arch -> 2014 2015
2014 2015 -> Думаць вершы”! Мерапрыемства адбудзецца 24 лютага 2015 г
2014 2015 -> Конкурсу па беларускай мове для вучняў5-х класаў "Скарбы мовы: моўныя загадкі"
2014 2015 -> Конкурс праводзіцца ў адзін вочны тур 16 кастрычніка 2014 г
2014 2015 -> Літаратурнай гасцёўні для вучняў 6 – 11-ых класаў “думаць вершы”: творы на прыродную І гарадскую тэматыку
arch -> Конкурсу па беларускай мове "Скарбы мовы: марфалогія"
arch -> Конкурсу па беларускай мове "Скарбы мовы: гукі Бацькаўшчыны"
arch -> Конкурсу электронных плакатаў па беларускайлітаратуры " Люстэрка натхнёнай душы"


Поделитесь с Вашими друзьями:




База данных защищена авторским правом ©vuchoba.org 2020
звярнуцца да адміністрацыі

войти | регистрация
    Галоўная старонка


загрузить материал