Кроніка грамадзкага жыцьця Гарадзеншчыны ад грамадзкага аб’яднаньня “Цэнтр “Трэці сектар”



Дата канвертавання15.05.2016
Памер123.42 Kb.


Кроніка грамадзкага жыцьця Гарадзеншчыны

ад грамадзкага аб’яднаньня

Цэнтр “Трэці сектар”

а/с 54, Гародня, 230009,

тэл./факс (0-152) 75-71-72,

e-mail: trecisektar@yahoo.com

www:ts.adukatar.net


Выпуск 23 (342)

( 11 чэрвеня 2009 г.)


Рэдактар выпуска: Кася Крот

Пры выкарыстаньні матэрыялаў “Кронікі” спасылка на крыніцу абавязковая





Сёньня ў выпуску:


Новы Сьвет у цэнтры ўвагі 2

Анджэя Пачобута зноў папярэдзілі 2

У Беларусі ўтварыўся “Клуб любящих отцов” 2

Канфэрэнцыя па візавай палітыцы 3

Міжнародная Школа маладых лідараў 3

Сэмінары для настаўнікаў 4

Міжнародная праграма “Грамадзянская адукцыя” 5

Сэмінар па арганізацыі кампаніяў 5

Моладзевы спабор творчых работ 6

Сэмінар па арганізацыі вэб-кампаніяў 6

Хто паедзе ў Літву? 7

Навучальныя візыты ў Польшчу 7

Замежныя стыпендыі і стажыроўкі для беларусаў 7

Стыпендыя імя Кастуся Каліноўскага 8

Магістарская праграма 8

Летнія ўнівэрсытэты 8




Падзеі:

уверх

Новы Сьвет у цэнтры ўвагі


Прэзентацыя кнігі, прысьвечанай унікальнаму раёну Гародні – Новаму Сьвету, ладзіцца сёньня.

Аўтары кнігі “Новый Свет и его окрестности» - гісторыкі Андрэй Чарнякевіч і Ігар Трусаў. Яе героі – сямья Багдановічаў, польскі генерал Зьдзіслаў Цыпельт і рускі манархіст Георгій Маісееў, беларускі гісторык Вацлаў Пануцэвіч і рускі пісьменнік Юрый Алеша…- шматлікія знакамітасьці, лёс якіх быў зьвязаны з гарадзенскім Новым Сьветам.

Але галоўныя героі кнігі – беларусы, палякі, яўрэі, украінцы, немцы, рускія, татары, усе, для каго Новы Сьвет стаў тым месцам, адкуль яны крочылі ў дарослае жыцьцё.

У кнізе вы знойдзеце ня толькі шэраг выключна цікавых фактаў з гісторыі нашага горада, але зможаце таксама прагледзець вялікую колькасць ілюстрацый (старых і сучасных фотаздымкаў, мапаў, планаў і малюнкаў).

Прэзентацыя адбудзецца ў 18.30 у памяшканьні Таварыства беларускай школы (вул. Будзёнага 48а-44).

Паводле http://www.harodnia.com

уверх

Анджэя Пачобута зноў папярэдзілі


Гарадзенскі журналіст і дзеяч нерпызнаванага ўладамі “Саюза палякаў на Беларусі” пад кіраўніцтвам Анжалікі Борыс атрымаў афіцыйнае папярэджаньне аб тым, што ён ня мае права прадстаўляцца старшынём Галоўнай Рады “СПБ” і карыстацца сімволікай арганізацыі.

Папярэджаньне журналісту ў панядзелак зачытаў намесьнік начальніка аддзела абласной пракуратуры. Копію дакумента А.Пачобуту ня выдалі, спаслаўшыся на закон.

Папярэджаньне вынесена ў адказ на ліст, накіраваны ў Генеральную пракуратуру ад імя непрызнаванага ўладамі Саюзу палякаў на Беларусі, які ў якасьці старшыні Галоўнай Рады падпісаў А.Пачобут.

Ліст тычыўся сюжэта, падрыхтаванага Першым нацыянальным каналам з нагоды правядзеньня 15 сакавіка ў Гародні VII зьезду Саюза палякаў на Беларусі.



уверх
уверх

У Беларусі ўтварыўся “Клуб любящих отцов”


У Рэспубліканскае грамадзкае аб’яднаньне ўваходзяць 50 мужчын, якія

прадстаўляюць усе рэгіёны Беларусі, акрамя Гомельшчыны.

Мэта дзейнасьці клюбу – аказаньне сацыяльнай, псыхалягічнай, кансультатыўнай і іншай дапамогі айцам, якія маюць праблемы ў выхаваньні і стасунках з дзецьмі. Акрамя таго арганізацыя зьбіраецца займацца выдавецкай, інфармацыйнай, дабрачыннай дзейнасьцю, ладзіць сустрэчы, сэмінары, масавыя мерапрыемствы.



Паводле рассылкі БАСР

уверх

Канфэрэнцыя па візавай палітыцы


Канфэрэнцыя “Візавая палітыка ў кантэксьце дачыненьняў ЭЗ і Беларусі: актуальная сітуацыя і перспектывы” ладзіцца ў Менску 22 чэрвеня.

На канфэрэнцыі будзе прадстаўлена справаздача па маніторынгу і параўнальным аналізе візавай палітыкі ЭЗ і выдачы візаў ва Ўкраіне, Малдове, Расіі, Беларусі, які ладзіўся на працягу кастрычніка-лістапада 2008 года. На абмеркаваньне выносяцца пытаньні канкрэтных формаў і варыянтаў магчымых рашэньняў па лібералізацыі візавага рэжыму для Беларусі.

Да ўдзелу запрашаюцца супрацоўнікі візавых службаў, эксперты ў галіне зьнешняй палітыкі і міжнароддных дачыненьняў, журналісты, тураператары.

Мерапрыемства адбудзецца ў канферэнц-зале Crowne Plaza Minsk па адрасе: Менск, вул. Кірава, 13. Пачатак у 10 гадзін.

Падцьверджаньне ўдзелу ў канферэнцыі неабходна даслаць на эл. адрас belarus-europe@tut.by.

Апошні тэрмін – да 20 чэрвеня.

За больш падрабязнай інфармацяй зьвяртайцеся на эл. пошту: belarus-europe@tut.by, тэл./факс (017) 2454118; тэл. (029) 6840709 (пан.-птн., з 10:00 да 18:00).
уверх


Абвесткі:

Міжнародная Школа маладых лідараў


Школу маладых лідараў СНД ладзіць Фонд разьвіцьця дэмакратыі пад эгідай і з падтрымкі Міждзяржаўнага фонда гуманітарнага супрацоўніцтва дзяржаў-удзельніц СНД з 5 да 12 ліпеня ў Маскоўскай вобласьці.

Да ўдзелу запрашаюцца кіраўнікі і лідары моладзевых аб’яднаньняў СНД ва ўзросьце 20-30 год.

Мэты школы – судзеяньне разьвіцьцю міжнароднага моладзевага супрацоўніцтва на прасторы СНД і ўзмацненьне ўзаемадзеяньня паміж моладзевымі арганізацыямі дзяржаў-удзельніц СНД.

Удзельнікі школы пройдуць навучаньне ў межах трэнінгаў па кіраваньні некамерцыйнымі арганізацыямі, прынцыпам утварэньня каманды, сацыяльным праектаваньні, сувязям з грамадзкасьцю, узаемадзеяньню з ворганамі дзяржаўнай улады і пытаньням разьвіцьця міжнароднага моладзевага супрацоўніцтва.

Аргкамітэт забясьпечвае ўдзельнікам бясплатнае пражываньне, трохразовае харчаваньне і кава-паўзы. Транспартныя выдаткі – за кошт асабістых сродкаў удзельнікаў, альбо іх арганізацый.

Кандыдаты на ўдзел мусяць накіраваць анкету-заяўку на эл.адрас info@ffdd.ru з паметкай “Школа-2009”.

Апошні тэрмін падачы заявак – 20 чэрвеня.

Узор заяўкі і больш падрабязная інфармацыя – на вэб-пляцоўцы па адрасе: http://ffdd.ru.



уверх

Сэмінары для настаўнікаў


 Настаўнікі сярэдніх школ, а таксама тыя, хто працуе на ніве адукацыі і жадае паглыбіць свае веды і падзяліцца ўласным досьведам, запрашаюцца да ўдзелу ў дзвух цыклах сэмінараў-практыкумаў.

Кожны цыкл будзе складацца з сэмінараў па наступных тэмах:

 Тэма І - Эфектыўныя метады матывацыі і ацэнкі

Азнаямленьне з метадам Актыўнай Ацэнкі, паводле якога ацэнка «дапамагае вучыцца». У шматлікіх краінах гэты метад лічыцца адным з найбольш перспектыўных і эфектыўных для паляпшэньня вынікаў навучаньня, матываваньня агульнай цікаўнасьці да жыцьця.

 Тэма ІІ - Найноўшыя метады навучаньня па тэмах актыўнага супрацоўніцтва на мясцовым узроўні

-  Навучаньне прынцыпам супрацоўніцтва і роля каштоўнасьцяў у навучаньні;

- Праца над праектамі, скіраванымі на пабудову мясцовай грамадзянскай тоеснасьці;

- Падрыхтоўка свойго ўласнага сцэнара заняткаў па тэме мясцовага супрацоўніцтва.

Тэма ІІІ - Сацыяльныя навыкі вучня

- Метады разьвіцьця здольнасьцяў да аналізу і рашэньня праблемаў;

- Навучаньне крытычнаму мысьленьню (на прыкладзе працы з аўдыёвізуальнымі матэрыяламі);

- Тэхнікі творчага мысьленьня як сродак для стымуляваньня пазнавальнага разьвіцьця навучэнца.

 У кожным з двух цыклаў прымуць удзел да дваццаці слухачоў. Найбольш зацікаўленым і заангажаваным будзе прапанаваны удзел у азнаямленчай вандроўцы ў Варшаву напрыканцы праграмы.

Праграма вандроўкі прадугледжвае:

- Азнаямленьне ўдзельнікаў з польскай сістэмай адукацыі 

- Наведваньне адукацыйных установаў, сустрэчы з настаўнікамі польскіх школ,

эўрапейскімі экспертамі па пытаньнях рэформы сістэм адукацыі

- Азнаямленьне з мэтамі і метадамі грамадзянскай адукацыі, досьведам ажыцьцяўленьня навучальных праектаў.

 Арганізатары забясьпечваюць:

-Сэртыфікат аб заканчэньні курсу

 -Пакрыцьцё выдаткаў на праезд, пражываньне і харчаваньне ўдзельнікаў. 

Даты сэмінараў:

Першы цыкл:  4-5 ліпеня,11-12 ліпеня,18-19 ліпеня, азнаямленчая вандроўка -      кастрычнік.

Другі цыкл: 1 – 2 жніўня, 8 - 9 жніўня, 15 -16 жніўня, азнаямленчая вандроўка - лістапад.

Калі Вы можаце правесьці майстар-кляс ці  падзяліцца досьведам - пазначце, калі ласка, тэму,  матэрыялы і час, якія Вам для гэтага спратрэбяцца.

Для ўдзелу неабходна даслаць анкету па адрасе metodyka2009@gmail.com.

 Апошні тэрмін – да 25 чэрвеня ўключна

Пытаньні анкеты:

-Прозьвішча, Імя, Імя па бацьку 

-Вашая пасада, навучальная ўстанова ці арганізацыя

-Адукацыйны стаж

-Кароткі матывацыйны ліст (Чаму Вам цікава ўдзельнічаць у праграме, як вы зьбіраецеся выкарыстаць набыты досьвед …)

-Тэма, час Вашага майстар-кляса (па жаданьні)

-Як з Вамі зьвязацца (адрас, тэлефон, электронная пошта, скайп)

уверх

Міжнародная праграма “Грамадзянская адукцыя”


Абвешчаны спабор на ўдзел у міжнароднай праграме павышэньня кваліфікацыі спецыялістаў, якія працуюць у галіне нефармальнай грамадзянскай адукацыі дзяцей і моладзі “Грамадзянская адукацыя”.

Гэта ўнікальная міжнародная праграма, якая рэалізуецца на тэрыторыі Расійскай Федэрацыі і ФРГ.

Тэрміны рэалізацыі праграмы: 20 жніўня 2009 – 10 верасьня 2010 года.

Патрабаваньні да ўдзельнікаў:

- узрост 18-35 год

-досьвед працы ў некамерцыйных арганізацыях і рэалізацыі ўласных праектаў у галіне нефармальнай грамадзянскай адукацыі

-імкненьне да асабістага і прафэсыйнага разьвіцьця

-зацікаўленасьць у рэалізацыі ўласнага рэгіянальнага адукацыйнага праекта.

Праграма прадугледжвае сэртыфіцыраванае павышэньне кваліфікацыі па двух накірунках: нефармальная грамадзянская адукацыя і мэнэджмэнт адукацыйных праграм.

Праграму вядуць дасьведчаныя трэнеры і эксперты з Германіі, Латвіі, Украіны і Расіі.

Фінансавая падтрымка праектаў – з грантавага фонду праграмы.

Заяўку на ўдзел накіроўвайце па эл. пошце gakd-konkurs@yandex.ru

Апошні тэрмін – да 25 чэрвеня.

Больш падрабязную інфармацыю і заяўку на ўдзел можна знайсьці на вэб-пляцоўках па адрасах: http://youthrussia.ru , www.dimsi.net , www.theodor-heuss-kolleg.de , www.orlyonok.ru .

Паводле рассылкі БАСР

уверх

Сэмінар па арганізацыі кампаніяў


Актыўныя сябры грамадзкіх арганізацыяў, якія прагнуць дзейнасьці, якім, аднак, бракуе навыкаў і досьведу, запрашаюцца да ўдзелу ў сэмінары па арганізацыі грамадзкіх і палітычных кампаніяў.

Сэмінар адбудзецца ў Вільні з 9 да 11 ліпеня.  Арганізатары забясьпечваюць праезд, візы, пражываньне і харчаваньне ўдзельнікаў.

Каб прыняць удзел у сэмінары, неабходна даслаць анкету на адрас seminar.youthcampaigns@gmail.com

Апошні тэрмін падачы заявак - 16 чэрвеня.

З пытаньнямі зьвяртайцеся на тэл. +375 29 6616440.

Паводле рассылкі belngo.info

уверх

Моладзевы спабор творчых работ


The Trust for Civil Society in Central and Eastern Europe абвяшчае спабор для студэнтаў, маладых журналістаў і актывістаў з Цэнтральнай і Ўсходняй Эўропы (у тым ліку зь Беларусі) ад 18 да 30 год.

Творы, якія будуць прапанаваныя на спабор, мусяць утрымліваць наватарскае прадстаўленьне праблематыкі грамадзянскай супольнасьці і кіравацца ідэяй павышэньня грамадзянскага і грамадзкага актывізму.

Работы могуць быць у форме:
- эсэ (да 2 тыс. словаў),
- фотарэпартажа (1-5 фатаздымкаў),
- відэа (да 3 хв.).

Выбар тэмы залежыць ад творчай вынаходлівасьці аўтара. Важным зьяўляецца ўказаньне асабістага погляду на грамадзянскую супольнасьць. Працы могуць апісваць асабісты досьвед грамадзкай дзейнасьці, прадстаўляць самыя цяжкія грамадзкія праблемы альбо грамадзкія інтарэсы ў мясцовай супольнасьці.

Усе працы мусяць быць на ангельскай мове.

Тры пераможцы атрымаюць стыпэндыю ў памеры 2 тыс. даляраў, якую змогуць выкарыстаць для асабістага разьвіцьця (адукацыя, стажыроўка, асабісты дасьледніцкі праект) ды прымуць удзел у Міжнародным форуме, які адбудзецца ў Браціславе з 16 да 18 верасьня.

Апошні тэрмін падачы твораў – 12 ліпеня.

Вынікі будуць абвешчаныя ў жніўні.

Больш падрабязная інфармацыя – на вэб-пляцоўцы csf.ceetrust.org/article/contest-introduction/

Паводле рассылкі belngo.info

уверх

Сэмінар па арганізацыі вэб-кампаніяў


Моладзевыя актывісты (НЕ IT-спецыялісты), якія жадаюць пазнаёміцца з сучаснымі сродкамі вэб-камунікацыі і пачаць выкарыстоўваць новыя магчымасьці ў сваёй штодзённая дейнасьці, запрашаюцца да ўдзелу ў сэмінары па арганізацыі вэб-кампаніяў.

Сэмінар ладзіцца ў Вільні з 13 па 15 ліпеня.

Арганізатары забясьпечваюць праезд, візы, пражываньне й харчаваньне ўдзельнікаў.  

Каб прыняць удзел у сэмінары, неабходна даслаць анкету на адрас: seminar.webcampaigns@gmail.com

Апошні тэрмін падачы заявак - 21 чэрвеня.

З пытаньнямі зьвяртайцеся на тэл. +375 29 6616440.



Паводле рассылкі belngo.info

уверх





Не спазьніся!

уверх


Хто паедзе ў Літву?


Віктарыну для замежнікаў ладзіць Міністэрства замежных справаў Літвы да тысячагоддзя краіны.

Апошні тэрмін – 15 ліпеня.

Пытаньні віктарыны і ўмовы ўдзелу разьмешчаны на вэб-пляцоўцы http://quiz.mfa.lt

уверх

Навучальныя візыты ў Польшчу


Польска-Амерыканскі Фонд Свабоды, Фонд „Барусiя”, Калегіўм Усходняй Эўропы імя Яна Новака-Язеранськага і Фонд «Асьвета для дэмакратыі» запрашаюць актыўных студэнтаў з Беларусі на навучальныя візыты ў Польшчу.

Апошні тэрмін падачы заявак на ўдзел – да 1 ліпеня.

Заяўкі дасылаць на эл.адрас nabor2009@studytours.pl .

Больш падрабязная інфармацыя разьмешчаная на вэб-пляцоўцы http://www.studytours.pl/



уверх

Замежныя стыпендыі і стажыроўкі для беларусаў


Славацкая арганізацыя Pontis Foundation традыцыйна прапануе інфармацыю пра навуковыя і адукацыйныя праграмы за мяжой, у якіх могуць удзельнічаць беларусы.

Бюлетэнь Фонда Понтыса на ангельскай мове зьмешчаны на вэб-пляцоўцы па адрасе: http://arche.by/by/14/300/592/.



Паводле http://arche.by/

уверх

Стыпендыя імя Кастуся Каліноўскага


Кандыдатамі на навучаньне ў Польшчы могуць быць студэнты і асьпіранты вышэйшых навучальных установаў, адлічаныя па палітычных матывах, а таксама тыя, каму па палітычных прычынах не дазволілі распачаць ці працягваць вучобу ў Беларусі.

Апошні тэрмін падачы заявак – да 20 чэрвеня.

Больш падрабязную інфармацыю можна атрымаць па e-mail: bialorus.studium@uw.edu.pl , тэл.: 022 55 21 888, факс: 022 55 21 887.

Паводле www.adukacyja.info

уверх

Магістарская праграма


Магістарская праграма Эўрапейскага інстытуту вышэйшых міжнародных дасьледаваньняў у Ніццы супольна з Эўрапейскім інстытутам Стамбульскага ўнівэрсытэту распачала прыём заявак.

Апошні тэрмін падачы заявак – 30 чэрвеня.

Больш падрабязную інфармацыю можна атрымаць па электроннай пошце burcu.gorak@cife.eu, burcug@bilgi.edu.tr , на вэб-пляцоўцы http://www.iehei.org/

уверх

Летнія ўнівэрсытэты


Добрая магчымасьць для студэнтаў, асьпірантаў, маладых дасьледчыкаў, якія хочуць правесьці летнія вакацыі з карысьцю.

Летнія ўнівэрсытэты ў Турцыі, Славакіі, Малдове, Аўстрыі, Польшчы, Нямеччыне, Францыі.

За больш падрабязнай інфармацыяй зьвяртайцеся на электронны адрас:

marie-france.perdigon@cife.eu

Дадатковая інфармацыя – на вэб-пляцоўцы па адрасе: http://www.cife.eu/indexUK.php?id_rub=1169138294&id_parent_rub=0&id_top=1169138294



уверх



: files
files -> Конкурс журналісцкіх матэрыялаў "твой стыль"
files -> Кроніка грамадскага жыцця Гарадзеншчыны ад грамадскага аб’яднання “Цэнтр “Трэці сектар”
files -> Праграма Artes liberales 2013 (12–28. 02)
files -> Культурная праграма Першага нацыянальнага форуму “Музеі Беларусі”
files -> Штомесячны агляд эканомікі беларусі
files -> Пазакласны занятак па музыцы. Калейдаскоп дзіцячых фальклорных гульняў
files -> Паводле лірычных твораў А. С. Пушкіна мы іграем пушкіна
files -> 18 кастрычніка 2012 г. 1522 Аб узнагароджанні Ганаровай
files -> Клубы і аматарскія аб’яднанні Назва бібліятэкі


Поделитесь с Вашими друзьями:




База данных защищена авторским правом ©vuchoba.org 2020
звярнуцца да адміністрацыі

войти | регистрация
    Галоўная старонка


загрузить материал