Назіранне за выбарамі: тэорыя і практыка

Студэнты Еўрапейскага Гуманітарнага Універсітэта, залічаныя на бакалаўрскія і магістэрскія праграмы і зацікаўленыя ў назіранні за выбарамі ў Беларусі, запрашаюцца да ўдзелу ў дадатковым адборы на новы цыкл праекта па назіранні за выбарамі які абдудзецца 19-29 кастрычніка. Праект складаецца з тыднёвага інтэнсіўнага навучальнага курса ў Вільні, распрацаванага выбітнымі нарвежскімі палітолагамі, якія маюць досвед назірання ў шматлікіх міжнародных місіях. Акрамя курса навучэнцы таксама возьмуць удзел у міжнароднай місіі па назіранні за выбарамі ў адой з еўрапейскіх краін, падчас якой яны атрымаюць практычны досвед у якасці акрэдытаваных кароткатэрміновых міжнародных назіральнікаў. Мэтанакіраваныя і актыўныя ўдзельнікі будуць запрошаныя на яшчэ, прынамсі, адну місію па назіранні.

Праект “Назіранне за выбарамі: тэорыя і практыка” супольна ажыццяўляецца арганізацыяй Belarus Watch, Еўрапейскім гуманітарным універсітэтам (ЕГУ) і Беларускім Домам правоў чалавека ў выгнанні ў Вільні (ДПЧ). Акадэмічны курс падрыхтоўкі назіральнікаў уваходзіць у навучальную праграму ЕГУ і будзе пазначаны ў бакалаўрскім дыпломе як курс па выбару. Па паспяховым сканчэнні курса студэнты атрымаюць два акадэмічных крэдыты, а таксама адмысловы сертіфікат Belarus Watch aб удзеле ў праекце.

Патэнцыйныя кандыдаты павінны:

• 
  быць студэнтамі ЕГУ, залічанымі на дадзены момант на бакалаўрскія ці магістэрскія праграмы (абавязкова);
  
• 
  быць ад 18 да 35 год узросту (абавязкова);
  
• 
  запоўніць он-лайн заяву (абавязкова);
  
• 
  прадставіць рэкамендацыю ад выкладчыка ЕГУ ці іншай аўтарытэтнай асобы. Калі ласка, звярніце ўвагу: рэкамендацыя мусіць быць даслана асобна, непасрэдна на адрас праекта eotp@eotp.info асобай, якая Вас рэкамендуе (абавязкова);
  
• 
  прадставіць афіцыйнае пацверджанне аб акадэмічнай паспяховасці (пажадана) - магчыма атрымаць у 103 каб.;
  
• 
  прадэманстраваць моцную грамадскую пазіцыю, быць актыўнымі (абавязкова);
  
• 
  мець магчымасць удзельнічаць у навучанні і непасрэдным назіранні на ўвесь перыяд (абавязкова);
  
• 
  размаўляць па-англійску і разумець англійскую мову (пажадана).
  

1. 
   Якасць матывацыі і вынікі сумоўя;
   
2. 
   Актыўная грамадская пазіцыя цікаўнасць да назірання за выбарамі ў Беларусі;
   
3. 
   Акадэмічная паспяховасць.