Нядзелю першага веснавога месяца, 30 сакавіка, на філалагічным факультэце бду адбудзецца II мінскі фестываль моў
Спампаваць 32.4 Kb.
|
- Навигация по данной странице:
- Мінскі фестываль моў
- 12 прэзентацый
- Уваход вольны ! Гісторыя і сучаснасць Фестываляў моў
- Мікіта Моніч
| II Мінскі фестываль моў
Ужо традыцыйна ў апошнюю нядзелю першага веснавога месяца, 30 сакавіка, на філалагічным факультэце БДУ адбудзецца II Мінскі фестываль моў. Уваход ВОЛЬНЫ! Фестываль моў — гэта ўнікальнае для Мінска мерапрыемства. За адзін дзень гасцям Фестывалю будуць прадстаўлены прэзентацыі 45 моў свету — старажытных і сучасных, рэдкіх і распаўсюджаных, а таксама дзесяць цікавых навукова-папулярных лінгвістычных лекцый. Аснову Фестывалю складаюць прэзентацыі моў. Прэзентацыя кожнай мовы — гэта захапляльная 45-хвілінная міні-лекцыя, падчас якой апавядальнік — спецыяліст па мове — падзеліцца са слухачамі найцікавейшымі фактамі пра гэтую мову. Пазнаёміцца са спісам моў і лекцый, прачытаць анонсы выступаў, даведацца пра расклад, адрас і атрымаць іншую інфармацыю можна на афіцыйным сайце Мінскага фестывалю моў (http://MinskLingFest.by) і ў суполках Фестивалю «УКантакце» (http://vk.com/MinskLingFest) и ў Фэйсбуку (http://facebook.com/groups/MinskLingFest). Пачнецца Фестываль а 10:30 і будзе доўжыцца ўвесь дзень — да 19:20 (зразумела, можна браць удзел толькі у частцы праграмы: сысці раней ці прыйсці пазней). Калі вы цікавіцеся якой-небудзь канкрэтнай мовай, некалькімі мовамі ці проста жадаеце захапляльна і з карысцю правесці час — запрашаем вас прыняць удзел! Прэзентацыі моў размеркаваныя па паралелях: у кожнай паралелі адначасова праходзяць 12 прэзентацый у розных аўдыторыях, так што наведвальнікі заўсёды маюць магчымасць абраць, на прадстаўленне якой мовы пайсці. Паралелей усяго 6, і, такім чынам, за дзень Фестывалю кожны можа азнаёміцца толькі з шасцю мовамі. Выбар нялёгкі, але, каб выбіраць было лягчэй, падчас адкрыцця Фестывалю прэзентатары коратка праанансуюць усе будучыя лекцыі. А на закрыцці Фестывалю гасцей чакае лінгвістычная віктарына. На Фестывалі вы зможаце: – пазнаёміцца з мовамі, пра якія вы раней нічога не ведалі; – больш даведацца пра мовы, якія вас насамрэч цікавяць; – акрэсліцца, якую мову вы жадаеце вывучаць; – ізноў захапіцца ўжо вядомымі мовамі; – здзівіцца з разнастайнасці і асаблівасцяў моў нашай планеты; – і шмат іншага! Прэзентатары Мінскага фестывалю моў — студэнты, аспіранты і выкладчыкі філалагічнага факультэта і факультэта міжнародных адносін БДУ і розных факультэтаў МДЛУ, выкладчыкі Інстытута лінгвістыкі РДГУ (Масква), а таксама лінгвісты і спецыялісты па некаторых мовах з Мінска, Масквы, Санкт-Пецярбурга і Кіева. Уваход вольны! Гісторыя і сучаснасць Фестываляў моў Першы Фестываль моў у Мінску прайшоў 31 сакавіка 2013 года і адразу ж сабраў больш за 350 наведвальніках. На Фестывалі былі прадстаўленыя 35 моў і 7 лінгвістычных лекцый, а таксама прайшлі моўная гульня “Капялюш” і шматмоўны лінгваканцэрт. Стваральнікамі I Мінскага фестывалю моў сталі на той час аспірант Інстытута лінгвістыкі РДГУ (Масква) Антон Сомін і магістрантка філалагічнага факультэта БДУ Ірына Пінхасік. Фестываль быў арганізаваны пры падтрымцы філалагічнага факультэта БДУ. Што датычыцца першага ў свеце Фестывалю моў, то ён быў праведзены ў 1995 годзе ва Францыі (г. Тур), яго стваральнік — амерыканскі лінгвіст і грамадскі дзеяч, эсперантыст Дэніс Кіф. Ужо ў наступным годзе па аналагічнай схеме прайшоў першы расійскі Фестываль моў у Чэбаксарах. З таго часу рознамаштабныя Фестывалі праводзіліся ў розных краінах па ўсім свеце: ЗША, Венесуэле, Бельгіі, Швецыі, Малдове, Расіі... Найбуйнейшым Фестывалем моў стаў першы ж кітайскі Фестываль, які адбыўся ў 2008 годзе ва ўніверсітэце Нанкіна: за два дні ў ім ўзялі ўдзел больш за 13000 чалавек. У Расіі ж найбольш інфармацыйна насычаным Фестывалем з’яўляецца маскоўскі: на VIII Маскоўскім міжнародным фестывалі моў, які прайшоў 15 снежня 2013 года ў Расійскім дзяржаўным гуманітарным універсітэце, было прадстаўлена 66 моў, 20 лінгвістычных лекцый, 10 “практык” і 3 мерапрыемствы іншага фармату. Акрамя Масквы і Чэбаксар, Фестывалі моў рэгулярна праходзяць у Санкт-Пецярбургу, Уфе, Вялікім Ноўгарадзе, Ульянаўску, Кіеве, Кішынёве і іншых гарадах СНД. Кантакты: Антон Сомін, кіраўнік II Мінскага фестывалю моў Навуковы супрацоўнік Школы актуальных гуманітарных даследванняў (ШАГД (ШАГИ)) Расійскай акадэміі народный гаспадаркі і дзяржаўнай службы (РАНГіДС (РАНХиГС)), аспірант і выкладчык Інстытута лігвістыкі РДГУ (РГГУ) (Масква) +375-29-688-13-12; somin@tut.by; http://vk.com/id4390, http://facebook.com/anton.somin Мікіта Моніч, прэс-сакратар II Мінскага фестывалю моў Малодшы навуковы супрацоўнік Нацыянальнага мастацкага музея РБ, аспірант факультэта культуралогіі і соцыякультурнай дзейнасці БДУКМ. +375-29-327-50-25; n.monich@gmail.com; http://vk.com/monich_n Каталог: local--files -> press press -> Iii мінскі фестываль моў Першы раз – выпадковасць, другі – супадзенне, але 29 сакавіка press -> 31 сакавіка на філалагічным факультэце бду адбудзецца 1-ы Мінскі фестываль моў. Уваход вольны press -> Нядзелю першага веснавога месяца, 30 сакавіка, на філалагічным факультэце бду адбудзецца II мінскі фестываль моў press -> Iii мінскі фестываль моў Першы раз – выпадковасць, другі – супадзенне, але 29 сакавіка press -> 31 сакавіка на філалагічным факультэце бду адбудзецца 1-ы Мінскі фестываль моў. Уваход вольны press -> 27 сакавіка ўсіх неабыякавых да лінгвістычнай разнастайнасці нашага свету чакае 4-ы Мінскі фестываль моў press -> 27 сакавіка ўсіх неабыякавых да лінгвістычнай разнастайнасці нашага свету чакае 4-ы Мінскі фестываль моў press -> 31 сакавіка на філалагічным факультэце бду адбудзецца 1-ы Мінскі фестываль моў. Уваход вольны Спампаваць 32.4 Kb. Поделитесь с Вашими друзьями:
|