Сцэнар правядзення занятку на тэму “Сапраўдная прыгажосць”



Дата канвертавання16.05.2016
Памер27.97 Kb.
Сцэнар правядзення занятку на тэму “Сапраўдная прыгажосць”

Сцэнар прадугледжвае выкарыстанне відэароліка “Несапраўдная прыгажосць”.

Мэта: разабрацца ў складніках паняцця “прыгажосць чалавека”, паказаць, як СМІ могуць маніпуляваць свядомасцю людзей.

Мэтавая група: старэйшыя школьнікі, моладзь, 15-20 чалавек.

Чаканыя вынікі:

  • фармаванне ўяўлення аб сапраўднай прыгажосці чалавечай асобы;

  • фармаванне разумення таго, што вобразы, якія перадаюцца СМІ, часам выступаюць у якасці сродкаў маніпуляцыі свядомасцю людзей.

Неабходны час: 150 - 180 хвілін.

Выкарыстаныя метады: Метад “Калаж”, метад “Валізка, Шуфлядка, Сметніца”.

Абсталяванне: камп’ютэры з праграмай Adobe Photoshop, прынтэр з каляровым друкам, фотакамеры, святло (ліхтар), фон для фотаздымкаў, фотапапера, мультымедыйны праектар, глянцавыя часопісы, папера, нажніцы, клей, набор касметыкі, стыкеры розных колераў, вялікія аркушы паперы з намаляванымі на іх валізкай, шуфлядай, сметніцай.

Папярэдняя падрыхтоўка: падзел удзельнікаў на групы для правядзення майстар-класа.

План занятку:

  1. Мазгавы штурм на тэму “Ідэал прыгажосці” - 10 хв.

  2. Ствараем калаж на тэму “Ідэал прыгажосці” – 30-40 хв.

  3. Прагляд відэароліка “Несапраўдная прыгажосць” і яго абмеркаванне – 15 хв.

  4. Майстар-клас “Стварэнне ідэальнага вобразу” - 60-70 хв.

  5. Напісанне эсэ на тэму “У чым сутнасць сапраўднай прыгажосці чалавека?” і яго абмеркаванне - 25 хв.

  6. Рэфлексія – 20 хв.

Хада занятку:

Вядоўца абвяшчае тэму і мэты сустрэчы, знаёміць з планам правядзення.

  1. Вядоўца прапаноўвае правесці мазгавы штурм на тэму “Ідэал прыгажосці”. З прапанаваных варыянтаў фармуецца групавое паняцце: Ідэал прыгажосці – гэта...

  2. Вядоўца дзеліць ўдзельнікаў на 2 групы пры дапамозе якога-небудзь інтэрактыўнага метаду і прапануе, выкарыстоўваючы глянцавыя часопісы, стварыць калаж на тэму : “Ідэал прыгажосці”, а затым прэзентаваць вынікі працы.

  3. На трэцім этапе працы ўдзельнікі праглядаюць відэаролік “Несапраўдная прыгажосць” і абмяркоўваюць яго. Абмеркаванне можна пабудаваць паводле наступных пытанняў:

- Якая галоўная ідэя роліка?

- Якую ролю ў “трансляцыі вобраза” граюць СМІ?

- Прывядзіце прыклады маніпуляцый СМІ свядомасцю людзей.

  1. Майстар-клас па стварэнні ідэальнага вобразу ўключае некалькі этапаў:

  1. Стварэнне мадэлі

Папярэдне ўдзельнікі атрымалі хатняе заданне – падрыхтаваць вобраз мадэлі. Мяркуецца, што для канкрэтнай мадэлі будзе падрыхтавана прычоска і макіяж, якія будуць стварацца на майстар-класе.

Удзельнікі загаддзя ведаюць, у якіх групах яны будуць працаваць на дадзеным этапе і які вобраз яны павінны будуць атрымаць у выніку.



Пасля стварэння мадэлі ўдзельнікі пераходзяць да фотасесіі.

  1. Фотасесія

У якасці фатографаў выступаюць самі ўдзельнікі, якія ўмеюць рабіць партрэтныя здымкі.

  1. Апрацоўка фотаздымкаў

Для рэалізацыі дадзенага этапа ў кожнай групе павінен быць удзельнік, знаёмы з праграмай Adobe Photoshop. Група выбірае лепшы, на іх меркаванне, фотаздымак мадэлі і карэктуе яго на камп’ютэры, затым прэзентуе вынікі сваёй працы. Усім ахвотным можна раздрукаваць фотаздымкі.

5. На гэтым этапе разглядаецца важнае і складанае пытанне “У чым сутнасць сапраўднай прыгажосці чалавека?”. Вядоўца прапануе ўдзельнікам напісаць невялікае эсэ на дадзеную тэму памерам 4-5 сказаў, а пасля зачытаць яго. З прапанаваных адказаў фармуецца вобраз сапраўднай, на думку ўдзельнікаў, чалавечай прыгажосці.

6. Рэфлексію можна правесці ў любой інтэрактыўнай форме, напрыклад з дапамогай метаду “Валізка, Шуфляда, Сметніца”.
Каталог: files
files -> Конкурс журналісцкіх матэрыялаў "твой стыль"
files -> Кроніка грамадскага жыцця Гарадзеншчыны ад грамадскага аб’яднання “Цэнтр “Трэці сектар”
files -> Праграма Artes liberales 2013 (12–28. 02)
files -> Культурная праграма Першага нацыянальнага форуму “Музеі Беларусі”
files -> Штомесячны агляд эканомікі беларусі
files -> Пазакласны занятак па музыцы. Калейдаскоп дзіцячых фальклорных гульняў
files -> Паводле лірычных твораў А. С. Пушкіна мы іграем пушкіна
files -> 18 кастрычніка 2012 г. 1522 Аб узнагароджанні Ганаровай
files -> Клубы і аматарскія аб’яднанні Назва бібліятэкі


Поделитесь с Вашими друзьями:




База данных защищена авторским правом ©vuchoba.org 2020
звярнуцца да адміністрацыі

войти | регистрация
    Галоўная старонка


загрузить материал