Сцэнарый выступлення піянерскай агітбрыгады
Спампаваць 77 Kb.
|
| Аддзел адукацыі, спорту і турызму Крупскага райвыканкама
Дзяржаўная ўстанова адукацыі “Сярэдняя школа №1 імя У.М.Марцынкевіча г.Крупкі”
“Хай будзе ясным неба над зямлёй” Закірава Людміла Анатольеўна педагог-арганізатар г.Крупки, ул.Советская, 21, 8-01796-55795 е-mail: school1krupki@gmail.com г.Крупкі, 2014
1. Выстава кніг “Беларусь у гады Вялікай Айчыннай вайны”. 2. Карціны М. Савіцкага “Лічбы на сэрцы”. 3. Плакаты: “Усім, хто спіць пад абеліскам, ты пакланіся нізка-нізка”. 4. Грамзапіс песен: І. Лучанок “Мой родны кут”, І. Лучанок “Спадчына” А. Аляксандраў “Свяшчэнная вайна” Д.Шастаковіч “Ленінградская” Беларуская народная песня “Купалінка” Гучыць мелодыя песні“Мой родны кут” 1 вучань: Мы ўзышлі не з насення, што ветрам занесена, Мы не дзікай травы самарослыя парасткі – У глыбінях зямлі, гераічнай і песеннай, Нашых душ карані – з вузялкамі ўпартасці. 2 вучань Хто Мы? Разам: Мы – беларусы! 2 вучань: Чаму мы называемся беларусамі? 3 вучань: Бо мы нарадзіліся беларусамі, ускарміліся з беларускай зямлі, узгадаваліся і жывём на Беларусі. 4 вучань: А якая яна, мая зямля? 5 вучань: Гэта залатыя палі збажынага звону, і пушчы, дзе горда нясуць свае кроны алені. 6 вучань: Гэта бясконцыя жылы рэк, у якіх плешчуцца бабры і рыба на захадзе сонца, і гэта амаль адзіннаццаць тысяч азёр, чыстых, як усмешка дзіцяці. 7 вучань: Чароўны кут, стары казачны край – наша Беларусь. 8 вучань: Каб звацца беларусам, каб Беларусь стала для цябе роднай, трэба ведаць пра сваю Радзіму, пра яе мінулае і пра сённяшні дзень. 9 вучань: Радзілася я ў Беларусі, дзе ціхі задумлівы бор. Ляцяць сюды з выраю гусі да сініх, цудоўных азёр. Стаяць векавыя дубровы, даносіцца ласкавы шум. І сонца, і ветрык вясновы цяплом саграваюць душу... Радзілася я ў Беларусі, дзе срэбрам крыніцы звіняць, Сюды з крыкам радасным гусі з далёкага поўдня ляцяць. Гучыць мелодыя песні “Спадчына” на экране фотаздымкі з беларускімі краявідамі 1 вучань: Спадчына! Якое простае слова і які няпросты яго сэнс! 2 вучань: Спадчына – гэта наша мінулае, наша памяць. 3 вучань: Спадчына – гэта народныя звычкі і культура, якія складваліся вякамі ў беларускім народзе і якія засталіся нам. 4 вучань: Спадчына – гэта наша родная мова, у якой увасоблена духоўнае жыццё народа – яго гісторыя, яго слава і веліч, яго мінулае і сучаснае. 5 вучань: Са старажытных часоў жылі на нашай зямлі нашы продкі, ці, як прынята казаць, нашы бацькі і дзяды. Таму і называюць людзі землі сваіх продкаў “краем бацькоў”, “Бацькаўшчынай”. 6 вучань: Бацькаўшчына – гэта той край, дзе мы нарадзіліся і выраслі. 7 вучань: Я шчаслівы, што ў суджаны час Нарадзіўся на гэтай зямлі, Дзе такія густыя лясы І такія спакойныя рэкі. Дзе вясной – непаўторна штораз Зелянеюць разлогі-палі, Дзе ўладар гэтай дзіўнай красы – Ты, народ мой, на вечныя векі. Беларускі народны танец “Купалінка” 8 вучань: Родная старонка! Беларусь! 9 вучань: За гэтымі словамі гісторыя беларускага народа, шматпакутнага і гераічнага. 1 вучань: Мы – будучае пакаленне – павінны памятаць незабыўныя старонкі нашай гісторыі, каб не забыць, праз што прайшлі нашы продкі і хто мы такія. 2 вучань: А шлях гэты быў цярністы і складаны, супярэчлівы і драматычны… Гучыць песня “Свяшчэнная вайна” 3 вучань: Зямля мая бой прымала ад старога і да малага. 4 вучань: Ад стагадовага Талаша, да Казея - малыша. 5 вучань: І падаў, распасцерты, кожны чацверты. 6 вучань: Кожны чацвёрты быў мёртвы. Разам: Мір і спакой ім вечны! 7 вучань: Кожны трэці быў змораны, скалечаны і знявечаны. 8 вучань: Колькі прапала без вестак, без пахаванняў, памінак! 9 вучань: А колькі потым дзетак узарвалася на мінах. 1 вучань: Вайна і дзеці… Як недарэчна гучыць гэтае словазлучэнне. На вайне яны змагаліся як дарослыя і як дарослыя гінулі за сваю Радзіму. 2 вучань: З дзецьмі вайна абышлася бязлітасна. У яе крывавым віры загінула – страшна вымавіць – 13 мільёнаў малых. А тыя, хто застаўся жыць, прайшлі нечалавечыя пакуты. 3 вучань: Памяць… Яна не дае спакойна жыць дзецям вайны. Па начах яны бачаць страшныя сны, без слёз не могуць успамінаць сваё ўкрадзенае дзяцінства. 4 вучань: Дзеці вайны... Ім не спявалі маці калыханкаў, Яны не чулі казак ад дзядоў, Палохаў іх ахрыплы голас танкаў, Трывожыў іх журботны енк удоў. 5 вучань: Яны не плакалі бяссоннымі начамі, Калі ад бомбаў неслі іх у склеп, І словы першыя, якім іх навучалі, Былі пра немцаў, пра вайну і хлеб. Выхад маці і дачкі Дачка: Матуля, а чаму такое было? Чаму людзі забівалі адзін аднаго? Яны што, нічога ў свеце не любілі? Маці: Таму, дачушка, што зло на зямлі нараджае жорсткасць. А мір павінна выратаваць любоў: да людзей, зямлі, да ўсяго, што вакол нас. Памятай аб гэтым, не забывай! Разам: Мы памятаем! Гучыць урывак з сімфоніі Д.Шастаковіча “Ленінградская” 1 вучань: 70 год мінула з таго часу, як наша краіна вызвалілася ад нямецка-фашысцкіх захопнікаў. Гэта вялікае і радаснае свята. 2 вучань: 70-ы раз мы святкуем гэту слаўную гадавіну. Дарагой цаной заплаціў наш народ за сваю свабоду. Беларусь не далічылася кожнага трэцяга жыхара. Памяць пра тых, хто аддаў сваё жыццё ў барацьбе з ворагам, вечна жыве ў сэрцах людзей. 3 вучань: Непавінны забываць пра загінуўшых і мы, юнакі і дзяўчаты ХХІ – га стагоддзя, якія не зведалі вайны. Толькі так мы зможам ушанаваць гераічны подзвіг народа. 4 вучань: Але ёсць яшчэ адна магчымасць, каб выказаць героям сваё захапленне і ўдзячнасць, - гэта расказаць пра іх баявыя справы, пра падзеі тых дзён. 5 вучань: Дрэвы забылі пра буры і страты, Раны свае загаіла зямля. Толькі нічога забыць не змагла ты, Памяць мая!.. 6 вучань: Распачаўшы 22 чэрвеня 1941 года вайну супраць Савецкага Саюза, фашысцкая Германія разлічвала на хуткую перамогу. “Цвай монат (два месяцы) - і Масква капут”, - выхваляліся гітлераўскія ваякі. 7 вучань: Каб найхутчэй здзейсніць гэты план, фашысцкае камандаванне выбрала самы блізкі шлях да Масквы – праз Беларусь… 8 вучань: Першымі сустрэлі гітлераўцаў абаронцы Брэсцкай крэпасці. Больш за месяц невялікі гарнізон, знаходзячыся ў акружэнні, адбіваў шалёныя атакі ворага. 9 вучань: Нашы байцы стаялі насмерць. Крэпасць стала сімвалам мужнасці і адвагі нашага народа. Але фашысты рваліся далей на ўсход. Наперадзе ў іх быў наш горад. 1 вучань: Вялікі прамежак часу раздзяляе нас ад той даты - 22 чэрвеня 1941 года. Тады яшчэ не думалі, што вайна так хутка дакоціцца да Крупскага раёна. 2 вучань: 27 чэрвеня нямецкія дыверсанты праніклі ў райцэнтр. 3 вучань: У першыя месяцы акупацыі было масавае знішчэнне яўрэйскага насельніцтва. 4 вучань: 18 верасня 1941 года каля вёскі Лебедзева было знішчана 1975 жыхароў Крупак. 5 вучань: 961 жыхар вёскі Бобр. 6 вучань: Пад Халопенічамі – 2 700 жыхароў. 7 вучань: За 4 гады вайны на Крупшчыне загінула 7 371 жыхар. 8 вучань: Былі спалены поўнасцю 10 і часткова 12 вёсак. 9 вучань: 30 чэрвеня 1944 г. Крупскі раён быў вызвалены ад фашысцкіх захопнікаў. 1 вучань: 2 614 крупчан былі ўзнагароджаны ордэнамі і медалямі. 2 вучань: Залатымі літарамі ўпісаны ў гісторыю раёна 18 Герояў Савецкага Саюза. 3 вучань: Адзінаццаць з іх – ураджэнцы Крупшчыны. Дзеці пералічваюць герояў і падымаюць чырвоныя зоркі 1 вучань: Зайцаў Мікалай Якаўлевіч 2 вучань: Казлоўскі Мікалай Кузьміч 3 вучань: Князеў Васіль Аляксандравіч 4 вучань: Конанаў Міхаіл Дзмітрыевіч 5 вучань: Люты Аляксандр Сяргеевіч 6 вучань: Марцынкевіч Уладзімір Мікалаевіч 7 вучань: Мазгавы Іван Астапавіч 8 вучань: Парцянка Андрэй Антонавіч 9 вучань: Свідзерскі Савелій Аляксеевіч 1 вучань: Сурын Марцін Адамавіч 2 вучань: Лукашэвич Аляксей Сцяпанавіч Разм: Мы памятаем Вас! 3 вучань: І мы памятаем Вас, ветэраны, хто змагаўся за нашу малую Радзіму. 4 вучань: Вечная памяць воінам, партызанам, падпольшчыкам – усім, хто загінуў, хто гераічна змагаўся за родныя палі і рэкі, за лёс народаў братніх, за лёс народаў усяе зямлі! 5 вучань : Ужо не першы год у нашай школе членамі БРПА і БРСМ праводзяцца акцыі “Міласэрнасць”, “Ветэраны жывуць побач”, “Дом без адзіноты”. 6 вучань: Хлопчыкі і дзяўчынкі наведваюць ветэранаў і іх сем’і, каб аказаць дапамогу і выказаць сваю ўдзячнасць за мірнае неба над галавой. 7 вучань: Не забыты нашымі вучнямі і помнікі невядомым салдатам. 6 вучань: Гарматным рэхам вёсны адгулі над зямлей! Рунеюць зноў жытнёвыя палі. Ды толькі смутак наш і дні трывог Застылі ў абелісках ля дарог. 7 вучань: І кожны год нібыта ўпершыню, Прыходзім мы да Вечнага агню, Нясём паклон, душы ўспамін – Нам не забыць такіх хвілін! 8 вучань: Пакланіцеся нізка-нізка Тым, хто зведаў агонь і дым, Строгім помнікам, абеліскам, Слаўным зорачкам баявым. 9 вучань: Ля салдацкіх магіл памаўчыце… Кожны з мужных салдат збярог Цішыню і сонца ў блакіце, І сцяжынку на школьны парог. 1 вучань: Гонарам кожнага чалавека з’яўляецца родны горад, вёсачка, вуліца, па якой ты ходзіш. Мы ганарымся тым, што наша Радзіма Разам: Беларусь! 2 вучань: Мы - будучыня нашай Радзімы 3 вучань: І мы павінны зберагчы нашу спадчыну, 4 вучань: Мір на зямлі, 5 вучань: Наша нацыянальнае багацце, 6 вучань: Жыць і тварыць, 7 вучань: Дарыць дабро людзям! 8 вучань: Беларускія краявіды… Перазвоны азёр і бароў. Над палеткамі бульбы і жыта – Песня велічных курганоў. 9 вучань: Гэта наша зямля дарагая, Гэта нашы лугі і палі, Над якімі спрадвеку лунае Бусел – сімвал бяссмерця Зямлі. Каталог: gallery gallery -> Канцэртная праграма «за беларусь» gallery -> Графік работы клубаў і аб’яднанняў па інтарэсах gallery -> Дарагія рабяты, улічваючы вашу занятасць у вучэбны час, рэкамендуем прачытаць праграмныя творы летам gallery -> Правілы ўнутранага распарадку для навучэнцаў Дзяржаўнай установы адукацыі “Выверскі навучальна-педагагічны комплекс дзіцячы сад – сярэдняя школа Маладзечанскага раёна” gallery -> Упраўленне адукацыі Мінскага абласнога выканаўчага камітэта gallery -> План выхаваўчай работы з вучнямі на IІI чвэрць gallery -> Асавецкая сш любанскага раёна gallery -> Ўдасканальваць вылічальныя навыкі ў межах 10 і ўменне рашаць задачы gallery -> Кантрольны тэст па тэмах 1-7 Спампаваць 77 Kb. Поделитесь с Вашими друзьями:
|
