Умоўнае паліва і рэальная эканомія



Дата канвертавання18.06.2016
Памер27.25 Kb.
Умоўнае паліва і рэальная эканомія

Вось ужо на працягу пяці апошніх гадоў працоўны калектыў філіяла “Аўтапарк № 7” ААТ “Магілёўаблаўтатранс” забяспечвае безумоўнае выкананне запланаваных мэтавых паказчыкаў па энергазберажэнні. Не з’явіўся выключэннем і мінулы год: пры плане -10 фактычны мэтавы паказчык па энергазберажэнні склаў -12,5. Хоць энергарэсурсы і абагульненыя энергетычныя затраты вымяраюцца ў тонах умоўнага паліва, эканомяцца канкрэтныя тоны нафтапрадуктаў і кілават-гадзіны электраэнергіі, якія маюць рэальны грашовы эквівалент. Штоквартальныя сумарныя прэміяльныя выплаты, такім чынам, склалі летась 32,5 мільёна рублёў.

— Атрыманы паказчык энергазберажэння дасягнуты дзякуючы дакладнаму выкананню арганізацыйна-тэхнічных мерапрыемстваў, — зазначыў у гутарцы галоўны інжынер філіяла Леанід Кісялёў. – Асаблівы клопат скіраваны на эканомію светлых нафтапрадуктаў.

Дагледжаныя, уцепленыя вытворчыя памяшканні — адна з першачарговых умоў энергазберажэння. Таму на іх своечасовы рамонт і рэнавацыю сродкаў не шкадуюць. Замянілі таксама і лямпы асвятлення на менш энергаёмістыя.

— Дынаміка работ вельмі напружаная, — каменціруе дырэктар аўтапрадпрыемства Сяргей Гапееў. – Калі яшчэ ўсяго якіх-небудзь чатыры-пяць гадоў таму аб’ём выкананых за дванаццаць месяцаў транспартных паслуг ледзве дасягаў паўтара мільярда рублёў, то цяпер гэта лічба фарміруецца на працягу аднаго месяца. Тэмп росту грузаабароту дасягнуў 160 працэнтаў.

У мінулым годзе на аснове ўзаемаразлікаў правялі работы па добраўпарадкаванні тэрыторыі філіяла, узнаўленні вытворчых памяшканняў. І гэта – паралельна тэхнічнаму пераўзбраенню прадпрыемства. Як зазначыла ў гутарцы галоўны эканаміст філіяла Ала Гальцова, прагрэс у развіцці дасягнуты выключна дзякуючы нарошчванню вытворчых магутнасцей. Калі аўтобусны парк павялічыўся з 13 да 16 адзінак, то колькасць грузавікоў падвоена, і цяпер у распараджэнні вадзіцеляў ёсць 15 аўтасамазвалаў і 17 цягачоў. Якраз узнаўленне парка механічных транспартных сродкаў, машын, механізмаў і абсталявання дазволіла сэканоміць 62 тоны ўмоўнага паліва. Яшчэ восем тон яго “знойдзена” за кошт спажывання біядызельнага замяняльніка.

— Дробязей у гэтай справе няма, — акцэнтуе ўвагу Ала Іосіфаўна. – Укараненне дыферэнцыраванага нармавання расходу паліва, распрацоўка маршрутных нормаў яго расходавання, аптымізацыя маршрутаў руху, выкарыстанне аўтаматызаваных сістэм дыспетчарскага кантролю і кіравання перавозкамі грузаў і пасажыраў дазволіла, напрыклад, на рахунак эканоміі запісаць 15 тон умоўнага паліва.

Дзве-тры тысячы кіламетраў – такое плячо перавозкі грузаў у рэйсах Сяргея Кайнары, Мікалая Лапцёнка, Канстанціна Шакурава і іншых вадзіцеляў філіяла. Водзяць яны цягачы МАЗ-5440 у счэпе з “фурамі”. Камандзіроўкі “дальнабойшчыкаў” заўсёды маюць павышаную складанасць.

— Шафёрам працую 35 гадоў, — расказвае Сяргей Уладзіміравіч. – Ёсць у прафесіі вадзіцеля-“дальнабойшчыка” асаблівая рамантыка, якая проста ад сябе не адпускае. А для эканоміі дызельнага паліва выкарыстоўваем прысадкі FP-4000.

Дарэчы, вывад з эксплуатацыі механічных транспартных сродкаў, машын, механізмаў і абсталявання з бензінавымі рухавікамі і замена іх на дызелі, а таксама пераабсталяванне карбюратарных рухавікоў для работы на газападобным паліве, хоць і запатрабавала значных фінансавых укладанняў, але дало свой станоўчы эфект. Асабліва, як зазначыў галоўны інжынер Леанід Кісялёў, гэта важна ў спалучэнні з паніжэннем расходу паліва на ўнутрыгаражныя раз’езды і тэхнічныя патрэбы – агляды, рэгуліроўкі, абкатку пасля рамонту.

— Непрафесіяналаў у справе эканоміі ў нас проста няма, — гаворыць Леанід Уладзіміравіч. — Тыя людзі, якія сёння працуюць у філіяле “Аўтапарк № 7” ААТ “Магілёўаблаўтатранс”, заслугоўваюць найвышэйшай пашаны і павагі.

Згодна плана мерапрыемстваў, сёлета мэтавы паказчык па энергазберажэнні на прадпрыемстве павінен скласці не больш за -6 працэнтаў, а эканомія светлых нафтапрадуктаў – 85,5 тоны ўмоўнага паліва. Не будзе, мусіць, сенсацыяй традыцыйны дадатак да гэтых паказчыкаў.


(Васіль ДЗЕРАВЯШКА, «Зара над Друццю).
Каталог: data
data -> Пярвічнай арганізацыі прафсаюза студэнтаў бду культуры І мастацтваў за 2008/2009 навучальны год
data -> План мерапрыемстваў па правядзенні ў 2016 годзе Года культуры ў горадзе Бабруйску
data -> Святлана Вяргеенка " На моры-акіяне, на востраве Буяне…"
data -> Дзяржаўнай установы адукацыі " Барунскі вучэбна-педагагічны комплекс яслі-сад-сярэдняя школа"
data -> Прафсаюзнаму камітэту па прафсаюза студэнтаў
data -> Анатоль бензярук касцюшкі сяхновіцкія гісторыя старадаўняга роду
data -> Modulе Modеrn tеchnology procеssіng and analysіs mеdіcal – bіologіcal data. Tеxt tеst quеstіons
data -> Тэма: Памяць і навучанне
data -> Бялыніцкія праснакі


Поделитесь с Вашими друзьями:




База данных защищена авторским правом ©vuchoba.org 2020
звярнуцца да адміністрацыі

войти | регистрация
    Галоўная старонка


загрузить материал